ഭാവി വധു പരീക്ഷയില്‍ തോറ്റു; പ്രതികാരമായി സ്‌കൂളിന് തീയിട്ട് യുവാവ്

ഭാവി വധു പരീക്ഷയില്‍ തോറ്റതിന് പ്രതികാരമായി അവളുടെ സ്‌കൂളിന് തീവെച്ച് ഈജിപ്ഷ്യന്‍ യുവാവ്. ഈജിപ്ഷ്യന്‍ യുവാവ് അറസ്റ്റിലായതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു. സ്‌കൂളില്‍ തീ പടരുന്നതിന്റെ വിവരം കിട്ടിയതോടെ ക്രിമിനല്‍ ഇന്‍വെസ്റ്റിഗേഷന്‍ സംഘവും ഈജിപ്ത് സിവില്‍ ഡിഫന്‍സും സ്ഥലത്തെത്തിയിരുന്നു. ഉടന്‍ തന്നെ തീ നിയന്ത്രണവിധേയമാക്കി. സംഭവത്തില്‍ ആര്‍ക്കും പരുക്കേറ്റിട്ടില്ല.എന്നാല്‍, വിദ്യാര്‍ത്ഥികളുടെ ഫയലുകള്‍ കൂടാതെ പ്രിന്‍സിപ്പലിന്റെയും അധ്യാപകരുടെയും അടക്കം രണ്ട് മുറികളും നശിച്ചു.വിദ്യാര്‍ത്ഥികളുടെ രേഖകളും ഇക്കൂട്ടത്തില്‍ നശിച്ചു. യുവാവിനെ നാലുദിവസത്തേക്ക് ജയിലില്‍ അടച്ചുവെന്നും സംഭവത്തില്‍ വിശദമായ അന്വേഷണം നടക്കുകയാമെന്നും ഗള്‍ഫ് ന്യൂസ് റിപ്പോര്‍ട്ട് ചെയ്യുന്നു. പിന്നാലെ നടന്ന അന്വേഷണത്തിലാണ് യുവാവ് പിടിയില്‍ ആകുന്നത്.ഇയാളുടെ ഭാവി വധു വാര്‍ഷിക പരീക്ഷയില്‍ തോറ്റിരുന്നു. ഇതിന് പ്രതികാരം ചെയ്യാനാണ് ഇയാള്‍ സ്‌കൂളിന് തീയിട്ടതെന്ന് റിപ്പോര്‍ട്ടില്‍ പറയുന്നു.ചോദ്യം ചെയ്യലില്‍, പ്രതിശ്രുത വധുവിന്റെ പരാജയത്തിന് പ്രതികാരമായി സ്‌കൂള്‍ കത്തിച്ചതായി പ്രതി സമ്മതിച്ചു.