നറുക്കെടുപ്പില്‍ മലയാളിക്ക് പത്തുകോടിരൂപ സമ്മാനം

ദുബായ് : ഓണ്‍ലൈന്‍ നറുക്കെടുപ്പില്‍ മലയാളിക്ക് പത്തുകോടി രൂപ (50 ലക്ഷം ദിര്‍ഹം) സമ്മാനമായി ലഭിച്ചു. 7, 9, 17, 19, 21 എന്നീ അഞ്ചു സംഖ്യകളിലൂടെയാണ് തിരുവനന്തപുരം സ്വദേശിയായ ഷാനവാസ് കോടീശ്വരനായത്. കഴിഞ്ഞ 15 വര്‍ഷമായി യു.എ.ഇ.യില്‍ ജോലിചെയ്യുന്ന ഇദ്ദേഹം 18 മാസമായി തുടര്‍ച്ചയായി നറുക്കെടുപ്പില്‍ പങ്കെടുക്കുന്നുണ്ട്. സാമ്പത്തിക ബാധ്യതകള്‍ അവസാനിപ്പിച്ച് ദുബായില്‍ വ്യാപാരത്തില്‍ നിക്ഷേപം നടത്താനാണ് ആഗ്രഹമെന്ന് ഷാനവാസ് പറഞ്ഞു. ഷാനവാസിനെ കൂടാതെ ഫിലിപ്പീന്‍സ് സ്വദേശി നെല്‍സണിനും 10 കോടി രൂപ സമ്മാനം ലഭിച്ചിട്ടുണ്ട്. ഇതാദ്യമായാണ് നറുക്കെടുപ്പില്‍ രണ്ട് ഒന്നാംസ്ഥാനക്കാരുണ്ടാവുന്നത്.