നടിയെ ആക്രമിച്ച കേസ് ഇന്ന് വിചാരണക്കോടതിയില്‍,മെമ്മറി കാര്‍ഡ് പരിശോധിച്ചതില്‍ അന്വേഷണം വേണമെന്ന് ക്രൈംബ്രാഞ്ച്

കൊച്ചി : നടിയെ ആക്രമിച്ച കേസ് കൊച്ചിയിലെ വിചാരണക്കോടതിഇന്ന് പരിഗണിക്കും. തുടരന്വേഷണ റിപ്പോര്‍ട്ട് സമര്‍പ്പിക്കാന്‍ വെളളിയാഴ്ച വരെ അന്വേഷണസംഘത്തിന് ഹൈക്കോടതി സമയം അനുവദിച്ചിട്ടുണ്ട്. കോടതിയുടെ കൈവശം ഉണ്ടായിരുന്ന മെമ്മറി കാര്‍ഡിന്റെ (memory card)ക്ലോണ്‍സ് കോപ്പിയും മിറര്‍ ഇമേജും ഇന്നലെ കോടതിയില്‍ ഹാജരാക്കിയിരുന്നു. വിചാരണക്കോടതിയുടെ കസ്റ്റഡിയില്‍ ഇരിക്കെ കഴിഞ്ഞ വര്‍ഷം ജൂലൈ 19ന് മെമ്മറി കാര്‍ഡ് ഫോണിലിട്ട് പരിശോധിച്ചതില്‍ അന്വേഷണം വേണമെന്ന് ക്രൈംബ്രാഞ്ച് ഇന്ന് കോടതിയില്‍ വീണ്ടും ആവശ്യമുന്നയിച്ചേക്കും