പാരീസ് ബാറില്‍ വെടിവയ്പ്പ്: ഒരു മരണം, നാല് പേര്‍ക്ക് പരുക്ക്

ഫ്രാന്‍സ് തലസ്ഥാനമായ പാരീസില്‍ വെടിവയ്പ്പ്. ബാറില്‍ സായുധര്‍ നടത്തിയ ആക്രമണത്തില്‍ ഒരാള്‍ കൊല്ലപ്പെട്ടു. 4 പേര്‍ക്ക് പരുക്കേറ്റതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു. രണ്ട് അക്രമികളില്‍ ഒരാളെ പൊലീസ് പിടികൂടിയിട്ടുണ്ട്. മറ്റൊരാള്‍ ഒളിവിലാണ്. തിങ്കളാഴ്ച രാത്രി (പ്രാദേശിക സമയം) ഫ്രഞ്ച് തലസ്ഥാനത്തെ 11-ആം അറോണ്ടിസ്മെന്റിലാണ് സംഭവം. വാഹനത്തില്‍ എത്തിയ രണ്ടു പേര്‍ ടെറസില്‍ ഇരുന്നവര്‍ക്ക് നേരെ വെടിയുതിര്‍ക്കുകയായിരുന്നു. വെടിയേറ്റ അഞ്ച് പേരില്‍ ഒരാള്‍ സംഭവസ്ഥലത്ത് തന്നെ മരിച്ചു. മറ്റ് നാല് പേരെ സമീപത്തെ ആശുപത്രിയിലേക്ക് മാറ്റി. ഇവരുടെ നില ഗുരുതരമാണെന്നാണ് വിവരം. ഷൂട്ടര്‍മാരില്‍ ഒരാളെ ബാറിന്റെ രക്ഷാധികാരികള്‍ പിടികൂടിയെന്നും ജില്ലാ മേയര്‍ ഫ്രാങ്കോയിസ് വോഗ്ലിനെ ഉദ്ധരിച്ച് സ്പുട്നിക് വാര്‍ത്താ ഏജന്‍സി റിപ്പോര്‍ട്ട് ചെയ്തു. സംശയിക്കുന്നവരുടെയും ഇരകളുടെയും ഐഡന്റിറ്റി വെളിപ്പെടുത്തിയിട്ടില്ല.