10 വയസുകാരിയെ പിതാവ് ബലാത്സംഗം ചെയ്ത് കൊലപ്പെടുത്തി

മഹാരാഷ്ട്രയിലെ താനെയില്‍ 10 വയസുകാരിയെ പിതാവ് ബലാത്സംഗം ചെയ്ത ശേഷം കഴുത്ത് ഞെരിച്ച് കൊലപ്പെടുത്തി. 34 കാരനായ പിതാവിനെ ഭിവണ്ടി ടൗണ്‍ പൊലീസ് അറസ്റ്റ് ചെയ്തു. പിടിക്കപ്പെടുമെന്ന് ഭയന്നാണ് മകളെ കൊലപ്പെടുത്തിയതെന്ന് പ്രതി മൊഴി നല്‍കി. താനെ ജില്ലയിലെ ഭിവണ്ടി മേഖലയിലാണ് സംഭവം. പിതാവ് പെണ്‍കുട്ടിയെ ബലാത്സംഗം ചെയ്യുകയും പിന്നീട് തുണികൊണ്ട് കഴുത്ത് ഞെരിച്ച് കൊലപ്പെടുത്തുകയുമായിരുന്നുവെന്ന് പൊലീസ് പറഞ്ഞു. ഇരയുടെ മൃതദേഹം പോസ്റ്റ്മോര്‍ട്ടത്തിനായി സര്‍ക്കാര്‍ ആശുപത്രിയിലേക്ക് അയച്ചു. ഒളിവില്‍പ്പോയ പ്രതിയെ പറ്റി രഹസ്യവിവരം ലഭിച്ചതിനെ തുടര്‍ന്ന് പൊലീസ് പിടികൂടി. ഐപിസി സെക്ഷന്‍ 376 (ബലാത്സംഗം), 302 (കൊലപാതകം), പോക്സോ നിയമത്തിലെ പ്രസക്തമായ വകുപ്പുകള്‍ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്. കോടതി പ്രതിയെ ജൂലൈ 22 വരെ പൊലീസ് കസ്റ്റഡിയില്‍ വിട്ടു.