യാക്കോബായ സഭ മെത്രാപ്പൊലീത്ത സഖറിയാസ് മോര്‍ പോളിക്കാര്‍പ്പസ് കാലം ചെയ്തു, കബറടക്കം നാളെ

കോട്ടയം: യാക്കോബായ സഭ മെത്രാപ്പൊലീത്ത സഖറിയാസ് മോര്‍ പോളിക്കാര്‍പ്പസ് (52) കാലം ചെയ്തു. ഹൃദയാഘാതത്തെ തുടര്‍ന്നു മണര്‍കാട് സെന്റ് മേരീസ് ആശുപത്രിയില്‍ ഇന്ന് രാവിലെ 9.30നായിരുന്നു അന്ത്യം. മലബാര്‍ ഭദ്രാസനത്തിന്റെ മുന്‍ മെത്രാപ്പൊലീത്തയായിരുന്നു. അഖില മലങ്കര മാര്‍ത്തമറിയം സമാജം അധ്യക്ഷന്‍ ആണ്. കോട്ടയം കുറിച്ചി സെന്റ് മേരീസ് പുത്തന്‍പള്ളി ഇടവകാംഗമാണ്. വൈകിട്ട് 5 വരെ മണര്‍കാട് സെന്റ് മേരീസ് കത്തീഡ്രലില്‍ പൊതുദര്‍ശനത്തിന് വച്ചു. സന്ധ്യാപ്രാര്‍ഥനയെ തുടര്‍ന്നു കുറിച്ചി സെന്റ് മേരീസ് പള്ളിയിലേക്ക് കൊണ്ടു പോയി. ഇതിനോടനുബന്ധിച്ച് നഗരികാണിക്കലും നടന്നു. നാളെ ഉച്ചയ്ക്കു ശേഷം രണ്ടിന് ഭദ്രാസന മെത്രാപ്പോലിത്താ തോമസ് മോര്‍ തീമോത്തിയോസിന്റെ അദ്ധ്യക്ഷതയില്‍ അനുശോചന സമ്മേളനം നടക്കും. തുടര്‍ന്ന് കുറിച്ചി പള്ളിയില്‍ പ്രത്യേകം തയ്യാറാക്കിയ കബറില്‍ മൂന്നിനു കബറടക്കം നടക്കും.