കള്ളവോട്ട് ചെയ്യുന്നത് യുഡിഎഫ് ആണ്; തൃക്കാക്കരയില്‍ അത് നടക്കില്ല; ഇ പി ജയരാജന്‍

കള്ളവോട്ട് ചെയ്യുന്നത് യുഡിഎഫ് ആണ്. തൃക്കാക്കരയില്‍ പക്ഷേ അത് നടക്കില്ലെന്ന് എല്‍ഡിഎഫ് കണ്‍വീനര്‍ ഇ പി ജയരാജന്‍. തൃക്കാക്കര ഉപതെരഞ്ഞെടുപ്പോടെ കേരളത്തില്‍ യുഡിഎഫിന്റെ തകര്‍ച്ച പൂര്‍ണ്ണമാകുമെന്ന് ഇ പി ജയരാജന്‍ പറഞ്ഞു. ഇടതുപക്ഷം വന്‍ വിജയം നേടും.വി ഡീ സതീശന്‍ പറയുന്നത് ആരെങ്കിലും കണക്കില്‍ എടുക്കുമോയെന്നും ഇ പി ജയരാജന്‍ ചോദിച്ചു. തൃക്കാക്കര ഉരതെരഞ്ഞെടുപ്പ് വോട്ടെടുപ്പിന്റെ നിശബ്ദ പ്രചരണം മണ്ഡലത്തില്‍ പുരോഗമിക്കുമ്പോള്‍ പക്ഷേ നേതാക്കള്‍ ആരോപണ പ്രത്യാരോപണങ്ങള്‍ തുടരുകയാണ്. മുതിര്‍ന്ന കോണ്‍ഗ്രസ് നേതാവ് രമേശ് ചെന്നിത്തല തുടക്കം മുതല്‍ തൃക്കാക്കര മണ്ഡലം കേന്ദ്രീകരിച്ച് പ്രവര്‍ത്തനങ്ങള്‍ ഏകോകിപ്പിക്കുകയാണ്. ഇടത് മുന്നണി കണ്‍വീനര്‍ ഇ.പി.ജയരാജനും മണ്ഡലത്തില്‍ തുടക്കം മുതലുണ്ട്. യുഡിഎഫില്‍ ഭിന്നതയുണ്ടെന്നത് ഇടത് മുന്നണിയുടെ വ്യാജപ്രചാരണമെന്ന് കോണ്‍ഗ്രസ് നേതാവ് രമേശ് ചെന്നിത്തല പ്രതികരിച്ചു. തൃക്കാക്കരയില്‍ കെ സുധാകരന്‍ അവസാനഘട്ടത്തില്‍ മാറിനിന്നത് ആരോഗ്യപ്രശ്നങ്ങള്‍ ഉള്ളതിനാലാണ്. മുഖ്യമന്ത്രി ജനങ്ങളെ വര്‍ഗീയമായി വേര്‍തിരിക്കാന്‍ ശ്രമിക്കുന്നെന്ന് രമേശ് ചെന്നിത്തല പറഞ്ഞു. പി സി ജോര്‍ജും സര്‍ക്കാരും തമ്മില്‍ നടക്കുന്നത് ഒത്തുകളിയാണ്. തൃക്കാക്കരിയില്‍ യുഡിഎഫ് ചരിത്ര വിജയം നേടുമെന്ന് ചെന്നിത്തല വ്യക്തമാക്കി.