ലണ്ടണില്‍ മലയാളി വിദ്യാര്‍ത്ഥിനിക്ക് കുത്തേറ്റു; കുത്തിയത് ഇന്ത്യന്‍ വിദ്യാര്‍ത്ഥി

ലണ്ടണില്‍ മലയാളി വിദ്യാര്‍ത്ഥിനിക്ക് കുത്തേറ്റു. സോന ബൈജുവെന്ന 23 കാരിക്കാണ് കുത്തേറ്റത്. മറ്റൊരു ഇന്ത്യന്‍ വിദ്യാര്‍ത്ഥിയാണ് സോനയെ കത്തിയെടുത്ത് കുത്തിയത്. പ്രതി ശ്രീരാം അംബാര്‍ലയെ പൊലീസ് അറസ്റ്റ് ചെയ്തു. ലണ്ടണിലെ ഹൈദരാബാദ് ബിരിയാണി റെസ്റ്റോറന്റില്‍ വച്ചായിരുന്നു സംഭവം. റെസ്റ്റോറന്റില്‍ സോന പാര്‍ട്ട് ടൈമായി ജോലി ചെയ്തിരുന്നു. ശ്രീരാമിന് ഭക്ഷണം വിളമ്പുന്നതിനിടെയാണ് കുത്തി കൊലപ്പെടുത്താന്‍ ശ്രമിച്ചത്. പരുക്കേറ്റ സോനയെ ആശുപത്രിയില്‍ പ്രവേശിപ്പിച്ചു. നിലവില്‍ ആരോഗ്യ നില തൃപ്തികരമാണ്. ശ്രീരാമിനെ പൊലീസ് അറസ്റ്റ് ചെയ്ത് തേംസ് മജിസ്ട്രേറ്റ് കോടതിക്ക് മുന്നില്‍ ഹാജരാക്കി. ഏപ്രില്‍ 25 വരെ ശ്രീരാമിനെ കോടതി റിമാന്‍ഡ് ചെയ്തു. ആക്രമണത്തിന് പിന്നിലെ കാരണം കണ്ടെത്താനുള്ള ശ്രമത്തിലാണ് പൊലീസ്. സോന പഠിക്കുന്ന ഈസ്റ്റ് ലണ്ടണ്‍ സര്‍വകലാശാല അന്വേഷണത്തോട് പൂര്‍ണമായും സഹകരിക്കുമെന്ന് അറിയിച്ചിട്ടുണ്ട്.