വെടിയേറ്റ ഇന്ത്യന്‍ വിദ്യാര്‍ഥി അതിര്‍ത്തി കടന്നു, കൂടെ നയതന്ത്രജ്ഞരും; ഇന്ന് നാട്ടിലെത്തും

കീവില്‍ വെടിയേറ്റ ഇന്ത്യന്‍ വിദ്യാര്‍ഥി ഹര്‍ജോത് സിങ് ഇന്ത്യയിലേക്ക് യാത്രതിരിക്കുന്നതിന് മുന്നോടിയായി യുക്രൈന്‍ അതിര്‍ത്തി കടന്നു. ഇന്ത്യന്‍ നയതന്ത്രജ്ഞരോടൊപ്പമാണ് ഹര്‍ജോത് സിങ് യുക്രൈനില്‍നിന്ന് പോളണ്ടിലേക്ക് കടന്നതെന്ന് എഎന്‍ഐ റിപ്പോട്ട് ചെയ്തു. തനിക്കൊപ്പം യുക്രൈനില്‍ നിന്ന് ഹര്‍ജോത് സിങും തിരിച്ചെത്തും എന്ന് വ്യക്തമാക്കി കേന്ദ്രമന്ത്രി ജനറല്‍ വി.കെ. സിങ് നേരത്തെ ട്വീറ്റ് ചെയ്തിരുന്നു. വിദ്യാര്‍ഥികളുടെ തിരിച്ചുവരവുമായി ബന്ധപ്പെട്ട കാര്യങ്ങള്‍ എളുപ്പത്തിലാക്കുന്നതിനായി പോളണ്ടിലെത്തിയതായിരുന്നു അദ്ദേഹം. ഇന്ന് തന്നെ അദ്ദേത്തെ രാജ്യത്ത് എത്തിക്കുമെന്നാണ് വിവരം. കീവില്‍നിന്ന് രക്ഷപ്പെട്ട് ലീവിവിലേക്ക് പോകാനുള്ള ശ്രമത്തിനിടെയാണ് ഹര്‍ജോതിന് വെടിയേറ്റത്.