കാലക്രമേണ യുക്രൈന് യുദ്ധം വിജയിക്കാം; യുഎസ് സ്റ്റേറ്റ് സെക്രട്ടറി

റഷ്യയുമായുള്ള യുദ്ധത്തില്‍ യുക്രൈന് വിജയിക്കാന്‍ കഴിയുമെന്ന് മേരിക്കയുടെ ഉന്നത നയതന്ത്രജ്ഞന്‍ ആന്റണി ബ്ലിങ്കെന്‍. യുദ്ധം എത്രനാള്‍ നീണ്ടുനില്‍ക്കുമെന്ന് പറയാനാകില്ലെന്നും എന്നാല്‍ യുക്രൈനിന്റെ പരാജയം അനിവാര്യമല്ലെന്നും യുഎസ് സ്റ്റേറ്റ് സെക്രട്ടറി പറഞ്ഞു. സൈനിക ബലത്തില്‍ റഷ്യ ഏറെ ദൂരം മുന്നിലാണ് എന്ന് അദ്ദേഹം സമ്മതികുന്നു. എന്നാല്‍ യുക്രൈനിയന്‍ ജനതയുടെ ദൃഢനിശ്ചയത്തെ ബഹുമാനിക്കണം. രാജ്യത്തെ കീഴ്‌പ്പെടുത്താന്‍ മോസ്‌കോയ്ക്ക് കഴിയില്ലെന്ന് കാലക്രമേണ വ്യക്തമാകുമെന്ന് പ്രതീക്ഷിക്കുന്നതായും ആന്റണി ബ്ലിങ്കെന്‍ കൂട്ടിച്ചേര്‍ത്തു. സര്‍ക്കാരിനെ അട്ടിമറിച്ച് സ്വന്തം പാവ ഭരണം സ്ഥാപിക്കുക എന്നതാണ് മോസ്‌കോയുടെ ഉദ്ദേശ്യമെങ്കില്‍, 45 ദശലക്ഷം യുക്രൈനിയക്കാര്‍ ഒരു തരത്തിലല്ലെങ്കില്‍ മറ്റൊരു തരത്തില്‍ അത് തടയുമെന്ന് അദ്ദേഹം പറഞ്ഞു. യുഎസും മറ്റ് സഖ്യകക്ഷികളും യുദ്ധത്തിന്റെ അപകടസാധ്യതയെക്കുറിച്ച് ആശങ്കാകുലരാണെന്ന് ബ്ലിങ്കെന്‍ വ്യക്തമാക്കി.