യുക്രൈന് ആയുധ പിന്തുണ മാത്രമല്ല, മാനസിക സഹായവും ആവശ്യമാണ് ; മരുന്നുകള്‍ അയച്ചു നല്‍കണമെന്ന് ഇന്ത്യയോട് അപേക്ഷിച്ച് യുക്രൈന്‍ എംപി സോഫിയ ഫെഡിന

യുക്രൈനില്‍ റഷ്യന്‍ ആക്രമണം തുടരുമ്പോള്‍ യുക്രെയ്നിന് ആയുധ പിന്തുണ മാത്രമല്ല, മാനസിക സഹായവും ആവശ്യമാണ്, അടിയന്തിരമായി മെഡിക്കല്‍ സഹായം നല്‍കണമെന്ന് ഇന്ത്യയോട് അഭ്യര്‍ത്ഥിച്ച് യുക്രൈന്‍ എംപി സോഫിയ ഫെഡിന. ആക്രമണകാരിയായ റഷ്യയെ ശിക്ഷിക്കേണ്ടതുണ്ട്. അവര്‍ സമാധാനക്കാരായ യുക്രൈനിയക്കാരെ കൊല്ലുകയാണ്. ഒരു പരമാധികാര രാജ്യത്തിന്റെ മനുഷ്യാവകാശങ്ങള്‍ സംരക്ഷിക്കാന്‍ എല്ലാ ഇന്ത്യന്‍ രാഷ്ട്രീയക്കാരോടും ഞാന്‍ അപേക്ഷിക്കുന്നു, ' ഇന്ത്യന്‍ മാദ്ധ്യമത്തിനു നല്‍കിയ പ്രത്യേക അഭിമുഖത്തില്‍ അവര്‍ പറഞ്ഞു. യുക്രൈനിലെ അണ്ടര്‍ ഗ്രൗണ്ട് ഷെല്‍ട്ടറിനുള്ളില്‍ നിന്ന് സംസാരിക്കുകയായിരുന്നു അവര്‍. തെക്കന്‍ യുക്രൈനിലെ തുറമുഖ നഗരമായ ഒഡെസ റഷ്യന്‍ സൈന്യത്തിന്റെ കീഴിലായതിനെക്കുറിച്ചുള്ള റിപ്പോര്‍ട്ടുകളും അവര്‍ തള്ളിക്കളഞ്ഞു. ഒഡെസ ഇപ്പോഴും കീവിന്റെ , ഇത്തരം റിപ്പോര്‍ട്ടുകള്‍ റഷ്യന്‍ പ്രചരണമാണെന്നും അവര്‍ പറഞ്ഞു.