റിപ്പോര്‍ട്ടിങ്ങിനിടെ അപ്രതീക്ഷിതമായി എത്തുന്ന അമ്മ; ഇത് ഹൃദയസ്പര്‍ശിയായ വീഡിയോ…

നിങ്ങള്‍ ആരായാലും എത്ര വലിയവനായാലും ഇനി എത്രതന്നെ വയസായാലും നിങ്ങളുടെ ഏറ്റവും വലിയ ആരാധിക നിങ്ങളുടെ അമ്മയായിരിക്കും. റിപ്പോര്‍ട്ടിങ്ങിനിടെ മകന്റെ ഷൂട്ടിംഗ് തടസപ്പെടുത്തി സംസാരിക്കുന്ന അമ്മയുടെ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. എന്നത്തേയും പോലെ ടിവി റിപ്പോര്‍ട്ടര്‍ മൈല്‍സ് ഹാരിസിന്റെ ഓഫീസിലെ മറ്റൊരു പതിവ് ദിവസമായിരുന്നു അത്. ചൊവ്വാഴ്ച എബിസി ന്യൂസ് അഫിലിയേറ്റ് ഡബ്ല്യുഎസ്വൈഎക്സിന്റെ ഫീല്‍ഡ് റിപ്പോര്‍ട്ടിംഗ് അസൈന്‍മെന്റിലായിരുന്നു ഹാരിസ്. അപ്പോഴാണ് പെട്ടെന്ന് ട്രാഫിക്കിലേക്ക് തിരിയുകയും അടുത്തുവരുന്ന വാഹനം തിരിച്ചറിയുകയും ചെയ്തത്. വാഹനത്തിനകത്ത് ഹാരിസിന്റെ അമ്മയായിരുന്നു. അത് തന്റെ അമ്മയാണെന്നും ഷൂട്ട് നിര്‍ത്താന്‍ ക്യാമറമാനോട് ആവശ്യപ്പെടുന്നതും വീഡിയോയില്‍ കാണാം. കാറില്‍ നിന്ന് അമ്മ സന്തോഷത്തോടെ ഹാരിയെ അഭിസംബോധന ചെയ്യുന്നതും കാണാം. ഹാരിസ് തിരിച്ച് അമ്മയോട് താന്‍ ജോലിയിലാണെന്നും ഇത് തന്റെ കൂടെ ജോലി ചെയ്യുന്ന ഡിആഞ്ചലോ ആണെന്നും പറഞ്ഞ് പരിചയപ്പെടുത്തുന്നു. അമ്മയോട് ട്രാഫിക്ക് തടസപ്പെടുത്തരുത് എന്നും പിന്നില്‍ വാഹനങ്ങള്‍ ഉണ്ട് എന്നും പറഞ്ഞ് ഹാരിസ് അമ്മയെ യാത്ര അയക്കുന്നു. ഹൃദയസ്പര്‍ശിയായ ഈ വീഡിയോ നിരവധി പേരാണ് സോഷ്യല്‍ മീഡിയില്‍ പങ്കുവെച്ചത്. നിരവധി കമന്റുകളും വീഡിയോയ്ക്ക് ലഭിച്ചു. ഇതിനുമുമ്പും ഇങ്ങനത്തെ നിരവധി വീഡിയോകള്‍ സോഷ്യല്‍ മീഡിയയില്‍ വൈറലായിട്ടുണ്ട്. എന്താണെങ്കിലും ഹാരിസിനെയും അമ്മയെയും ആളുകള്‍ ഏറ്റെടുത്ത് കഴിഞ്ഞു.