നിങ്ങള്‍ രണ്ടാളുമില്ലെങ്കില്‍ ജീവിതം പൂര്‍ണമാകില്ല സണ്ണി ലിയോണ്‍ കുറിച്ചത്; വൈറലായി ഇന്‍സ്റ്റഗ്രാം പോസ്റ്റ്

പോണ്‍ ഇന്‍ഡസ്ട്രിയിലൂടെ തുടക്കം കുറിച്ച് ബോളിവുഡിന്റെ സ്വന്തമായി മാറിയ താരമാണ് സണ്ണി ലിയോണ്‍. ഭര്‍ത്താവിനെക്കുറിച്ചും മക്കളെക്കുറിച്ചുമെല്ലാം താരം വാചാലയാവാറുണ്ട്. മക്കളുടെ പിറന്നാളാഘോഷത്തെക്കുറിച്ച് പറഞ്ഞുള്ള പോസ്റ്റ് വൈറലായി മാറിക്കൊണ്ടിരിക്കുകയാണിപ്പോള്‍. ആണ്‍മക്കളായ അഷറിനും നോയ്ക്കും ആശംസ അറിയിച്ചെത്തിയിരിക്കുകയാണ് താരം.നിങ്ങള്‍ രണ്ടാളുമില്ലെങ്കില്‍ ജീവിതം പൂര്‍ണ്ണമാകില്ല. എന്റെ ജീവിതത്തിലെ വെളിച്ചവും പുഞ്ചിരിയും നിങ്ങളാണ്, ഐ ലവ് യൂ സോമച്ച് എന്നായിരുന്നു സണ്ണി ലിയോണ്‍ കുറിച്ചത്.താരങ്ങളും ആരാധകരുമുള്‍പ്പടെ നിരവധി താരങ്ങളാണ് പോസ്റ്റിന് താഴെയായി കമന്റുകളുമായെത്തിയിട്ടുള്ളത്. ക്ഷണനേരം കൊണ്ടായിരുന്നു പോസ്റ്റ് ശ്രദ്ധിക്കപ്പെട്ടത്.കേരളത്തിലടക്കം ശക്തമായ ആരാധകപിന്തുണയുണ്ട് സണ്ണി ലിയോണിന്. സണ്ണി ലിയോണിന്റെ സിനിമകളും ഡാന്‍സിനുമെല്ലാം മികച്ച സ്വീകാര്യതയാണ് ലഭിക്കാറുള്ളത്. മധുരരാജയെന്ന മലയാള ചിത്രത്തില്‍ ഒരു ഡാന്‍സ് രംഗത്തില്‍ താരം പ്രത്യക്ഷപ്പെട്ടിരുന്നു. അമ്മയായതിനെക്കുറിച്ചും മക്കളുടെ വരവിന് ശേഷം ജീവിതത്തിലുണ്ടായ മാറ്റങ്ങളെക്കുറിച്ചും സണ്ണി ലിയോണ്‍ തുറന്നു പറഞ്ഞിരുന്നു. അമ്മയാവുന്നതിന് മുന്‍പ് കടുത്ത പ്രതിസന്ധികള്‍ നേരിടേണ്ടി വന്നിരുന്നു. സറോഗസിയായിരുന്നു ആദ്യം പ്ലാന്‍ ചെയ്തിരുന്നത്. അതിന്റെ നടപടികള്‍ പൂര്‍ത്തിയാക്കാനായി ഒന്നരവര്‍ഷത്തോളമെടുത്തുവെന്നും താരം പറഞ്ഞിരുന്നു. അതിനിടയിലായിരുന്നു ദത്തെടുത്താലോ എന്നൊരു ആശയത്തെക്കുറിച്ച് ആലോചിച്ചത്.ഐവിഎഫ് നടത്തി നോക്കിയെങ്കിലും അത് പരാജയമായിരുന്നു. അമേരിക്കയിലായിരുന്നു ഐവിഎഫിനുള്ള ട്രീറ്റ്മെന്റ് നടത്തിയത്. ആറ് ഭ്രൂണങ്ങളുണ്ടായിരുന്നു. നാല് പെണ്‍കുട്ടികളും രണ്ട് ആണ്‍കുട്ടികളുമായിരുന്നു, രണ്ട് പെണ്‍ഭ്രൂണങ്ങള്‍ ഫലവത്തായില്ല. അത് ശരിക്കും ഹൃദയം തകര്‍ക്കുന്നതായിരുന്നു. വല്ലാതെ വേദനയും സങ്കടവും തോന്നിയ നിമിഷങ്ങളായിരുന്നു അതെന്നും താരം പറഞ്ഞിരുന്നു.അതിന് ശേഷമായാണ് സണ്ണിയും ഭര്‍ത്താവും കുഞ്ഞുങ്ങളെ ദത്തെടുക്കുന്നതിനെക്കുറിച്ച് ആലോചിച്ചത്.ജനിതകപരമായി അടുപ്പമില്ലെങ്കിലും അത് തങ്ങളുടെ കുഞ്ഞായിരിക്കുമെന്നും നടപടികള്‍ക്ക് മുന്‍പ് സണ്ണി ഭര്‍ത്താവിനോട് പറഞ്ഞിരുന്നു. ദത്തെടുക്കലിന്റെ നടപടികളെക്കുറിച്ചും ഇരുവരും വിശദീകരിച്ചിരുന്നു.