അല്ലു അര്‍ജുന് പകരം മഹേഷ് ബാബു?; ‘പുഷ്പ’യിലെ വേഷം നിരസിച്ച നാല് അഭിനേതാക്കള്‍

അല്ലു അര്‍ജുനും രശ്മിക മന്ദാനയും പ്രധാന വേഷങ്ങളില്‍ അഭിനയിച്ച 'പുഷ്പ: ദ റൈസ്' തെലുങ്കില്‍ മാത്രമല്ല, ഹിന്ദിയിലും മികച്ച പ്രകടനം കാഴ്ചവച്ച് വിജയം നേടിയിരിക്കുകയാണ്. ദിവസങ്ങള്‍ക്കുള്ളില്‍ 95 കോടി കളക്ഷന്‍ നേടിയ ചിത്രം 100 കോടിയിലേക്ക് അടുക്കുകയാണ്. ഇന്ത്യയിലെ ചില ഭാഗങ്ങളില്‍ പൊങ്കല്‍ അവധിക്കാലം ചിത്രത്തിന് ഗുണം ചെയ്തു എന്നാണ് റിപ്പോര്‍ട്ട്. സുകുമാര്‍ സംവിധാനം ചെയ്യുന്ന ചിത്രത്തില്‍ ഫഹദ് ഫാസില്‍, ജഗദീഷ് പ്രതാപ് ബണ്ടാരി, സുനില്‍, റാവു രമേഷ്, ധനഞ്ജയ, അനസൂയ ഭരദ്വാജ്, അജയ്, അജയ് ഘോഷ് എന്നിവരും പ്രധാന വേഷങ്ങളില്‍ എത്തിയിരുന്നു. എന്നാല്‍ ചിത്രത്തില്‍ അറിയാതെ പോയ മറ്റൊന്നും കൂടെയുണ്ട്. പുഷ്പായിലേക്ക് ആദ്യം തീരുമാനിച്ചിരുന്ന അഭിനേതാക്കളല്ല യഥാര്‍ത്ഥത്തില്‍ അഭിനയിച്ചിരിക്കുന്നത്. അവര്‍ ആരൊക്കെ എന്ന് നോക്കാം. അല്ലു അര്‍ജുന്‍ - മഹേഷ് ബാബു റിപ്പോര്‍ട്ടുകള്‍ പ്രകാരം അല്ലു അര്‍ജുന്‍ അവതരിപ്പിച്ച പുഷ്പ രാജ് എന്ന ടൈറ്റില്‍ റോളില്‍ മഹേഷ് ബാബു അഭിനയിക്കണമെന്നായിരുന്നു ആദ്യം സംവിധായകന്‍ സുകുമാര്‍ തീരുമാനിച്ചത്. എന്നാല്‍ പുഷ്പരാജ് എന്ന വേഷത്തിലേക്ക് മേക്ക് ഓവര്‍ ചെയ്യാന്‍ താല്‍പ്പര്യമില്ലാത്തതിനാലാണ് മഹേഷ് ബാബു ചിത്രത്തില്‍ നിന്ന് പിന്മാറിയത്. പിന്നീടാണ് ആ വേഷം അല്ലു അര്‍ജുന്‍ ഏറ്റെടുക്കുന്നതും പുഷ്പരാജിന് വേണ്ടി മേക്ക് ഓവര്‍ ചെയ്യുന്നതും. സാമന്ത - നോറ ഫത്തേഹി പുഷ്പായില്‍ പാട്ടുകളില്‍ ഏറെ ആകര്‍ഷകമായ ഗാനമായിരുന്നു സാമന്ത അഭിനയിച്ച ഐറ്റം ഗാനം. എന്നാല്‍ ആ ഗാനത്തില്‍ ആദ്യം അഭിനയിക്കാന്‍ തിരഞ്ഞെടുത്തത് ബോളിവുഡിലെ ഐറ്റം ക്വീന്‍ നോറ ഫത്തേഹിയെ ആയിരുന്നു. എന്നാല്‍ അല്ലു അര്‍ജുനൊപ്പം സ്‌ക്രീന്‍ സ്‌പേസ് പങ്കിടാന്‍ നോറ ഫത്തേഹി വന്‍ പ്രതിഫലം ആവശ്യപ്പെട്ടതിനാല്‍ ആ പ്രൊജക്റ്റ് അവര്‍ക്ക് നഷ്ടമാകുകയായിരുന്നു. പിന്നീട് സാമന്തയെ തിരഞ്ഞെടുത്തു. ചിത്രത്തിലെ ഗാനത്തിന്റെ ബോളിവുഡ് താരം ദിഷ പട്ടാണിയെയും സമീപിച്ചിരുന്നു. ഫഹദ് ഫാസില്‍ - വിജയ് സേതുപതി ചിത്രത്തിലെ മട്ട്‌ടൊരു പ്രധാന കഥാപാത്രവും ശ്രദ്ധേയമായ ഒരു ഗെറ്റപ്പുമായിരുന്നു ഫഹദ് ഫാസിലിന്റേത്. എന്നാല്‍ എസ്പി ഭന്‍വര്‍ സിംഗ് ഷെഖാവത് ഐപിഎസിന്റെ റോള്‍ കോളിവുഡ് താരം വിജയ് സേതുപതിയായിരുന്നു അഭിനയിക്കേണ്ടിയിരുന്നത്. ഇതിനായി വിജ സേതുപതിയെ സമീപിച്ചിരുന്നെങ്കിലും അദ്ദേഹം അത്ത നിരസിക്കുകയായിരുന്നു എന്നാണ് റിപ്പോര്‍ട്ടുകള്‍. തുടര്‍ന്ന് മലയാളം താരം ഫഹദ് ഫാസിലിന് ഈ വേഷം നല്‍കാന്‍ തീരുമാനിച്ചു. രശ്മിക - സാമന്ത ദക്ഷിണേന്ത്യയിലെ ഏറ്റവും ജനപ്രീതിയുള്ള നടിമാരില്‍ ഒരാളായ സാമന്ത ആയിരുന്നു ഇപ്പോള്‍ രശ്മിക അവതരിപ്പിച്ച ശ്രീവല്ലി എന്ന കഥാപാത്രത്തറിന് വേണ്ടി ആദ്യം തിരഞ്ഞെടുത്തത്. ഒടുവില്‍ ആ വേഷം രശ്മികൈയിലേക്ക് തന്നെ എത്തി. എന്നാല്‍ സിനിമയിലെ ഐറ്റം ഗാന്തയില്‍ അഭിനയിച്ചു ഏറെ പ്രശംസകളും നേടി.