കോയമ്പത്തൂരില്‍ ഫാക്ടറി ഗോഡൗണില്‍ കുടുങ്ങിയ പുലി കൂട്ടിലായി

കോയമ്പത്തൂര്‍: കോയമ്പത്തൂരിലെ ഫാക്ടറി ഗോഡൗണില്‍ കുടുങ്ങിയ പുലി കൂട്ടിലായി. നഗരമേഖലയിലെ കുനിയമുത്തൂരിലെ പഴയ ഫാക്ടറി ഗോഡൗണില്‍ കഴിഞ്ഞ ദിവസമായി കുടുങ്ങിക്കിടക്കുകയായിരുന്ന പുലിയെയാണ് തമിഴ്‌നാട് വനംവകുപ്പ് കൂട്ടിലാക്കിയത്. നാല് ദിവസമായി പുലിയെ പിടിക്കാന്‍ തമിഴ്‌നാട് വനം വകുപ്പ് ഉദ്യോഗസ്ഥര്‍ ശ്രമിച്ചിരുന്നെങ്കിലും നടന്നിരുന്നില്ല. ഒടുവില്‍ ഇന്നാണ് പുലി വനംവകുപ്പ് ഒരുക്കിയ കെണിയില്‍ കുടുങ്ങിയത്. കേരള അതിര്‍ത്തിയില്‍ നിന്നും 20 കിലോമീറ്റര്‍ അകലയാണ് പുലിയുണ്ടായിരുന്ന പി കെ പുതൂരിലെ സാനിറ്ററി ഉപകരണങ്ങള്‍ സൂക്ഷിക്കുന്ന ഗോഡൗണ്‍. വനം വകുപ്പ് സ്ഥാപിച്ച സിസിടിവിയിലും നേരത്തെ കെട്ടിടത്തിനകത്ത് പുലി നടക്കുന്ന ദൃശ്യങ്ങള്‍ പതിഞ്ഞിരുന്നു. പുലിയിറങ്ങിയതോടെ പാലക്കാട് അതിര്‍ത്തി പ്രദേശങ്ങളിലെ ആളുകളും ഭീതിയിലായിരുന്നു.