തെന്നിന്ത്യന്‍ താരം ഹരീഷ് ഉത്തമനും നടി ചിന്നു കുരുവിളയും വിവാഹിതരായി

നടന്‍ ഹരീഷ് ഉത്തമനും നടി ചിന്നു കുരുവിളയും വിവാഹിതരായി. മാവേലിക്കര സബ് രജിസ്ട്രാര്‍ ഓഫീസില്‍ സെപെഷ്യല്‍ മാരേജ് ആക്ട് പ്രകാരമായിരുന്നു വിവാഹം. വൈകിട്ട് സുഹൃത്തുക്കള്‍ക്കും ബന്ധുക്കള്‍ക്കുമായി റിസപ്ഷന്‍ ഒരുക്കിയിട്ടുണ്ട്. 2010ല്‍ പുറത്തിറങ്ങിയ 'താ' എന്ന സിനിമയിലൂടെയാണ് ഹരീഷ് സിനിമയിലേക്കെത്തുന്നത്. പിന്നീട് മലയാളം, തെലുങ്ക്, തമിഴ് ഭാഷകളില്‍ അഭിനയിച്ചു. വില്ലന്‍ വേഷങ്ങളിലൂടെയാണ് ഹരീഷ് ശ്രദ്ധേയനായത്. 'മുംബൈ പൊലീസ്', 'മായാനദി' എന്നീ സിനിമകളിലൂടെ മലയാളി പ്രേക്ഷകര്‍ക്കും സുപരിചിതനാണ് ഹരീഷ്. മമ്മൂട്ടിയുടെ ഭീഷ്മപര്‍വ്വമാണ് താരത്തിന്റെ പുതിയ ചിത്രം. 2013ല്‍ പുറത്തിറങ്ങിയ 'നി കൊ ഞ ച'യാണ് ചിന്നു കുരുവിളയുടെ ആദ്യ ചിത്രം. പിന്നീട് 'നോര്‍ത്ത് 24 കാതം', 'ലുക്ക ചുപ്പി', 'കസബ' എന്നീ സിനിമകളിലൂടെ ശ്രദ്ധേയയായി. 'മാമാങ്കം' ഉള്‍പ്പെടെയുള്ള സിനിമകളില്‍ ക്യാമറ അസിസ്റ്റന്റായും പ്രവര്‍ത്തിച്ചു.