‘മഹേഷും മാരുതിയും’; പുതിയ പടം അവതരിപ്പിച്ച് മംമ്ത മോഹന്‍ദാസ്

ലാല്‍ജോസ് സംവിധാനം ചെയ്ത 'മ്യാവു' എന്ന ചിത്രത്തിന് ശേഷം താന്‍ നായികയായെത്തുന്ന പുതിയ സിനിമയുടെ പ്രഖ്യാപനവുമായി മംമ്ത മോഹന്‍ദാസ്. സമൂഹ മാധ്യമത്തിലൂടെയാണ് പുതിയ സിനിമയുടെ അനൗണ്‍സ്മെന്റ്. പ്രേക്ഷകരുടെ പിന്തുണയും പ്രാര്‍ത്ഥനയും ഉണ്ടാകണമെന്നും മംമ്ത പോസ്റ്റിലൂടെ പറഞ്ഞു. 'മഹേഷും മാരുതിയും' എന്ന് പേരിട്ടിരിക്കുന്ന ചിത്രത്തിന്റെ സംവിധാനം നിര്‍വഹിക്കുന്നത് സച്ചി-സേതുവാണ്. മംമ്തയ്ക്കൊപ്പം ആസിഫ് അലിയാണ് നായകനായി എത്തുന്നത്. ചിത്രത്തിന്റെ നിര്‍മ്മാണം മണിയന്‍ പിള്ള രാജുവാണ്. മമത മോഹന്‍ദാസ് കേന്ദ്ര കഥാപാത്രമായെത്തിയ ചിത്രം 'മ്യാവു'വിന് മികച്ച പ്രതികരണമാണ് ലഭിച്ചത്. സൗബിന്‍ നായകനായ ചിത്രത്തില്‍ സലിംകുമാര്‍, ഹരിശ്രീ യൂസഫ് തുടങ്ങിയവര്‍ക്കൊപ്പം രണ്ടു കുട്ടികളും ഒരു പൂച്ചയും സുപ്രധാന കഥാപാത്രങ്ങളായി സിനിമയില്‍ എത്തുന്നു?. ഗള്‍ഫില്‍ ജീവിക്കുന്ന സാധാരണ കുടുംബത്തിന്റെ കഥ പറയുന്ന ചിത്രം പൂര്‍ണമായും യുഎഇയിലാണ് ചിത്രീകരിക്കുന്നത്. തോമസ് തിരുവല്ല ഫിലിംസിന്റെ ബാനറില്‍ തോമസ്സ് തിരുവല്ല നിര്‍മ്മിക്കുന്ന ചിത്രത്തിന്റെ ഛായാഗ്രഹണം അജ്?മല്‍ ബാബു നിര്‍വഹിക്കുന്നു. ഡോ. ഇക്ബാല്‍ കുറ്റിപ്പുറം ആണ് ചിത്രത്തിന്റെ തിരക്കഥ.