കൊലക്കേസ് പ്രതികളെ വെടിവച്ചുകൊന്ന് തമിഴ്‌നാട് പൊലീസ്; ബോംബെറിഞ്ഞെന്ന് വിശദീകരണം

തമിഴ്‌നാട്ടിലെ ചെങ്കല്‍പെട്ടില്‍ രണ്ട് കൊലക്കേസ് പ്രതികളെ പൊലീസ് വെടിവച്ചുകൊന്നു. വീടുകളില്‍ അതിക്രമിച്ചു കയറി രണ്ടു പേരെ വെട്ടിക്കൊന്ന കേസിലെ പ്രതികളെയാണു വെടിവച്ചുകൊന്നത്. ദിനേശ്, മൊയ്തീന്‍ എന്നിവരാണു മരിച്ചത്. ബോംബെറിഞ്ഞു രക്ഷപെടാന്‍ ശ്രമിച്ചപ്പോഴാണ് വെടിവച്ചതെന്നാണു പൊലീസിന്റെ വിശദീകരണം. െവള്ളിയാഴ്ച പുലര്‍ച്ചെയാണു സംഭവം. ചെങ്കല്‍പെട്ട് പ്രദേശത്ത് ആട് മോഷ്ടാക്കളുടെ കുത്തേറ്റ് ഒരു പൊലീസുകാരന്‍ നേരത്തേ കൊല്ലപ്പെട്ടിരുന്നു. അതിനു ശേഷമാണ് നൈറ്റ് പട്രോളിങ്ങിനു പോകുന്ന പൊലീസിന് തോക്ക് നല്‍കി തുടങ്ങിയത്. ആവശ്യമെങ്കില്‍ തോക്ക് ഉപയോഗിക്കാനും ഡിജിപി നിര്‍ദേശം നല്‍കിയിരുന്നു.