ആനയും പെപ്പയും കട്ടയ്ക്ക് കട്ട; അജഗജാന്തരം

ടിനു പാപ്പച്ചന്‍ സംവിധാനം ചെയ്ത പുതിയ ചിത്രം അജഗജാന്തരം കഴിഞ്ഞ ദിവസം റിലീസ് ചെയ്തിരുന്നു. മികച്ച പ്രതികരണമാണ് സിനിമ നേടുന്നത്. ഇപ്പോഴിതാസിനിമയുടെ മേക്കിങ് വീഡിയോ സോഷ്യല്‍ മീഡിയയില്‍ ചര്‍ച്ചയായിരിക്കുകയാണ്. സിനിമയുടെ ചിത്രീകരണത്തിനായി അണിയറപ്രവര്‍ത്തകരുടെ പ്രയത്‌നം വീഡിയോയില്‍ നിന്നും വ്യക്തമാണ്. ഡമ്മി ആനയെ നിര്‍മിച്ച് ചിത്രീകരിച്ച ദൃശ്യങ്ങളും വിഡിയോയില്‍ ഉള്‍പ്പെടുത്തിയിട്ടുണ്ട്. ക്ഷേത്രോത്സവം പശ്ചാത്തലമാക്കുന്ന ആക്ഷന്‍ ത്രില്ലര്‍ എന്റര്‍ടെയ്ന്‍മെന്റ് ചിത്രത്തിന്റെ ദൈര്‍ഘ്യം രണ്ട് മണിക്കൂര്‍ രണ്ട് മിനിറ്റാണ്. ഒരു ഉത്സവ പറമ്പിലേക്ക് ഒരു ആനയും പാപ്പാനും എത്തുന്നതും തുടര്‍ന്ന് അവിടെ നടക്കുന്ന സംഭവങ്ങളുമാണ് സിനിമയിലൊരുക്കിയിരിക്കുന്നത്. ആന്റണി വര്‍ഗീസിനു പുറമെ അര്‍ജുന്‍ അശോകന്‍, ചെമ്പന്‍ വിനോദ് ജോസ്, ജാഫര്‍ ഇടുക്കി, രാജേഷ് ശര്‍മ, സാബുമോന്‍ അബ്!ദുസമദ്, ടിറ്റോ വില്‍സണ്‍, സുധി കോപ്പ, വിനീത് വിശ്വം, സിനോജ് വര്‍ഗീസ്, കിച്ചു ടെല്ലസ്, ലുക്മാന്‍, ശ്രീരഞ്ജിനി എന്നിവര്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. സില്‍വര്‍ ബേ പ്രൊഡക്ഷന്‍സിന്റെ ബാനറില്‍ എമ്മാനുവല്‍ ജോസഫും അജിത് തലാപ്പിള്ളിയും ചേര്‍ന്ന് നിര്‍മ്മിച്ചിരിക്കുന്ന ചിത്രത്തിന് തിരക്കഥയൊരുക്കിയിരിക്കുന്നത് കിച്ചു ടെല്ലസും വിനീത് വിശ്വവുമാണ്. ഛായാഗ്രഹണം ജിന്റോ ജോര്‍ജ്ജ് നിര്‍വ്വഹിക്കുന്നു. കല ഗോകുല്‍ദാസ്,മേക്കപ്പ് റോണക്സ് സേവ്യര്‍,വസ്ത്രാലങ്കാരം മഷര്‍ ഹംസ,സ്റ്റില്‍സ് അര്‍ജ്ജുന്‍ കല്ലിങ്കല്‍,പരസ്യക്കലഓള്‍ഡ് മോക്സ്, സൗണ്ട് രംഗനാഥ് രവി,ആക്ഷന്‍ സുപ്രീം സുന്ദര്‍,ചീഫ് അസോസിയേറ്റ് ഡയറക്ടര്‍ രതീഷ് മൈക്കിള്‍, അസോസിയേറ്റ് ഡയറക്ടര്‍ കണ്ണന്‍ എസ് ഉള്ളൂര്‍, കിരണ്‍ എസ്.അസിസ്റ്റന്റ് ഡയറക്ടര്‍ അനന്തു വിജയ്, അരവിന്ദ് രാജ്, വിഷ്ണു വിജയന്‍, സുജിത് ഒ എസ്, പ്രൊഡക്ഷന്‍ കണ്‍ട്രോളര്‍ ബാദുഷ, വിതരണം സെന്‍ട്രര്‍ പിക്ച്ചേഴ്സ് റിലീസ്, വാര്‍ത്ത പ്രചരണം എ എസ് ദിനേശ് എന്നിവരാണ് മറ്റ് അണിയറ പ്രവര്‍ത്തകര്‍.