വഖഫ് വിഷയം; സമസ്തയെ പ്രശംസിച്ച് സിപിഐഎം സംഘടനാ റിപ്പോര്‍ട്ട്

മലപ്പുറം ജില്ലാ സമ്മേളനത്തില്‍ സമസ്തയെ പ്രശംസിച്ച് സിപിഐഎം സംഘടനാ റിപ്പോര്‍ട്ട്. വഖഫ് വിഷയത്തില്‍ ഇ.കെ, എ.പി സമസ്തകള്‍ സ്വീകരിച്ച നിലപാട് സ്വാഗതാര്‍ഹമാണെന്ന് റിപ്പോര്‍ട്ട് പറയുന്നു. മുസ്ലിം ലീഗ് വിഷയം രാഷ്ട്രീയമായി ഉപയോഗിക്കാന്‍ ശ്രമിച്ചു. ഇരു സമസ്തയുടേയും നിലപാട് നിര്‍ണായകമായെന്നും റിപ്പോര്‍ട്ടില്‍ പറയുന്നു. ജയിക്കുമെന്ന് പ്രതീക്ഷിച്ച പെരിന്തല്‍മണ്ണ മണ്ഡലത്തിലെ തോല്‍വിക്ക് കാരണം സംഘടനാ ദൗര്‍ബല്യമെന്നാണ് സ്വയം വിമര്‍ശനം. നേരത്തെ സമ്മേളനം ഉദ്ഘാടനം ചെയ്ത മുഖ്യമന്ത്രി ലീഗിനെതിരെ കടുത്ത വിമര്‍ശനമുന്നയിച്ചിരുന്നു. മുസ്ലിം കേന്ദ്രീകൃത മേഖലകളില്‍ പാര്‍ട്ടിക്ക് വലിയ വളര്‍ച്ചയുണ്ടെന്നും റിപ്പോര്‍ട്ടില്‍ പറയുന്നു. സമ്മേളന കാലയളവില്‍ ബ്രാഞ്ചുകളുടെ എണ്ണത്തില്‍ 21 % വര്‍ധനയുണ്ടായി. യഥാര്‍ത്ഥ മത വിശ്വസികള്‍ സിപിഐഎമ്മുമായി അടുക്കുകയാണെന്നും ജില്ലാ സെക്രട്ടറി ഇ.എന്‍.മോഹന്‍ദാസ് അവതരിപ്പിച്ച റിപ്പോര്‍ട്ടില്‍ പറയുന്നു.