വൃക്ക മാറ്റിവയ്ക്കല്‍ ശസ്ത്രക്രിയ പൂര്‍ത്തിയായി; ആരോ?ഗ്യ നിലയെ കുറിച്ച് മേജര്‍ രവി

നടനും സംവിധായകനുമായ മേജര്‍ രവി വൃക്ക മാറ്റിവയ്ക്കല്‍ ശസ്ത്രക്രിയയ്ക്ക് വിധേയനായി. കൊച്ചിയിലെ സ്വകാര്യ ആശുപത്രില്‍ വച്ചായിരുന്നു ശസ്ത്രക്രിയ. മേജര്‍ രവി തന്നെയാണ് ഇക്കാര്യം ഫേസ്ബുക്കിലൂടെ അറിയിച്ചത്.ഐസിയുവില്‍ നിന്ന് തന്നെ മാറ്റിയെന്നും, പ്രാര്‍ത്ഥിച്ചവര്‍ക്ക് നന്ദി പറഞ്ഞുകൊണ്ട് മേജര്‍ രവി അറിയിച്ചു. 1975 ല്‍ തന്റെ പതിനേഴാം വയസില്‍ സൈന്യത്തില്‍ ചേര്‍ന്ന മേജര്‍ രവി, 1996-ല്‍ വി.ആര്‍.എസ് എടുത്ത് മേജറായി വിരമിച്ചു. സിനിമകള്‍ക്ക് വേണ്ടി സൈനിക സംബന്ധമായ സഹായങ്ങള്‍ ചെയ്ത് കൊടുക്കുന്ന പ്രവര്‍ത്തന മേഖലയിലേക്ക് പ്രവേശിച്ച മേജര്‍ രവി പിന്നീട് പ്രിയദര്‍ശന്‍, രാജ്കുമാര്‍ സന്തോഷി, കമലഹാസന്‍, മണിരത്‌നം തുടങ്ങിയവര്‍ക്കൊപ്പം പ്രവര്‍ത്തിച്ചിട്ടുണ്ട്. പ്രിയദര്‍ശന്‍ സംവിധാനം ചെയ്ത് മമ്മൂട്ടി നായകനായി അഭിനയിച്ച മേഘം എന്ന സിനിമയിലൂടെ അഭിനയ രംഗത്തെത്തിയ രവി ഇരുപതോളം സിനിമകളില്‍ ചെറുതും വലുതുമായ വേഷങ്ങളില്‍ അഭിനയിച്ചു. 2002 ലാണ് പുനര്‍ജനി എന്ന ചിത്രത്തിലൂടെ മേജര്‍ സംവിധായകന്റെ തൊപ്പി അണിയുന്നത്. 2006 ല്‍ പുറത്തിറങ്ങിയ കീര്‍ത്തിചക്രയിലൂടെയാണ് സംവിധായകനെന്ന നിലയില്‍ അദ്ദേഹം അറിയപ്പെട്ടത്. ഈ സിനിമയ്ക്ക് 2006 ല്‍ മികച്ച തിരക്കഥയ്ക്കുള്ള സംസ്ഥാന പുരസ്‌കാരം ലഭിച്ചിട്ടുണ്ട്.