മധുരഗാനവുമായി ജോജുവും ശ്രുതിയും; ‘മധുര’ത്തിലെ പുതിയ പാട്ട് പ്രേക്ഷക പ്രീതി നേടുന്നു

ജോജു ജോര്‍ജ്, ശ്രുതി രാമചന്ദ്രന്‍ താരജോഡികളായി എത്തുന്ന പുതിയ ചിത്രം 'മധുര'ത്തിലെ ആദ്യ?ഗാനം പുറത്ത്. ?'ഗാനമേ തന്നു നീ തീരാ മധുരം' എന്ന ?ഗാനം പാടിയിരിക്കുന്നത് സൂരജ് സന്തോഷാണ്. വിനായക് ശശികുമാറിന്റെ വരികള്‍ക്ക് ഹെഷാം അബ്ദുള്‍ വഹാബാണ് ഈണം പകര്‍ന്നിരിക്കുന്നത്. ജൂണ്‍ എന്ന ഹിറ്റ് സിനിമയ്ക്കുശേഷം അഹമ്മദ് കബീര്‍ ജോജു ജോര്‍ജ്,അര്‍ജുന്‍ അശോകന്‍ നിഖിലാ വിമല്‍ ശ്രുതി രാമചന്ദ്രന്‍, ഇന്ദ്രന്‍സ് എന്നിവരെ പ്രധാന കഥാപാത്രങ്ങളാക്കി സംവിധാനം നിര്‍വഹിക്കുന്ന ചിത്രമാണ് 'മധുരം'. പൂര്‍ണ്ണമായും പ്രണയത്തിന്റെ പശ്ചാത്തലത്തിലാണ് ചിത്രം ഒരുക്കിയിരിക്കുന്നത്. അപ്പു പാത്തു പപ്പു പ്രൊഡക്ഷന്‍സിന്റെ ബാനറില്‍ ജോജു ജോര്‍ജും സിജോ വടക്കനും ചേര്‍ന്നാണ് ഈ ചിത്രം നിര്‍മ്മിക്കുന്നത്. ജോജുവിന്റെ പ്രൊഡക്ഷന്‍ ഇറങ്ങിയ എല്ലാ ചിത്രങ്ങളും സൂപ്പര്‍ഹിറ്റ് ആയതുകൊണ്ട് ഈ സിനിമയും വലിയ വിജയം കീഴടക്കുമെന്ന് ആരാധകര്‍ പ്രതീക്ഷിക്കുന്നത്. സിനിമാരംഗത്തെ നിരവധി താരങ്ങളാണ് ചിത്രത്തില്‍ കേന്ദ്ര കഥാപാത്രങ്ങളായും സഹതാരങ്ങളായും എത്തുന്നത്. ഛായാഗ്രഹകന്‍ ജിതിന്‍ സ്റ്റാനിസ്ലാസ് ആണ്. ആഷിക് ഐമര്‍, ഫാഹിം സഫര്‍ എന്നിവരുടെതാണ് തിരക്കഥ. മികച്ച എഴുത്തുകാരനായ വിനായക് ശശികുമാറിന്റെ വരികള്‍ക്ക് ഹിഷാം അബ്ദുള്‍ വഹാബ് ആണ് സംഗീതം നല്‍കിയിരിക്കുന്നത്. കൊ പ്രൊഡ്യൂസേഴ്‌സ് ബാദുഷയും, സുരാജുമാണ്.എഡിറ്റിങ്ങ് മഹേഷ് ബുവനെന്തു , ആര്‍ട്ട് ഡയറക്ടര്‍ ദിലീപ് നാഥ്, കോസ്റ്റും ഡിസൈനെര്‍ സമീറ സനീഷ്, മെയ്ക്കപ്പ് റോണെക്‌സ് സേവ്യര്‍, സൗണ്ട് ഡിസൈനെര്‍ ധനുഷ് നായനാര്‍, സൗണ്ട് മിക്‌സ് വിഷ്ണു സുജാതന്‍, പ്രൊഡക്ഷന്‍ കണ്‍ഡ്രോളര്‍ സനൂപ് ചങ്ങനാശ്ശേരി, ചീഫ് അസോസിയേറ്റ് ഡയറക്ടര്‍ അതുല്‍ എസ് ദേവ്, സ്റ്റില്‍സ് രോഹിത്ത് കെ സുരേഷ്, ഡിസൈന്‍ എസ്‌ത്തെറ്റിക്ക് കുഞ്ഞമ്മ എന്നിവര്‍ ചേര്‍ന്നാണ്. പി ആര്‍ ഒ മഞ്ജു ഗോപിനാഥ്.