‘വേട്ടയ്‌ക്കൊരു മകന്‍’; സന്തോഷ് ഏച്ചിക്കാനത്തിന്റെ പുതിയ തിരക്കഥ അണിയറയില്‍

സന്തോഷ് ഏച്ചിക്കാനം വീണ്ടും തിരക്കഥാകൃത്താവുന്ന പുതിയ ചിത്രം 'വേട്ടയ്‌ക്കൊരു മകന്‍' അണിയറയില്‍ ഒരുങ്ങുന്നു. കുട്ടനാടിന്റെ രാത്രി കാഴ്ചകളാണ് ചിത്രത്തിലൂടെ കാണിക്കുന്നത്. കിഷോര്‍ മണിയാണ് പുതിയ ചിത്രത്തിന്റെ ക്യാമറ. താരങ്ങളുടെ വിശദാംശങ്ങളും ചിത്രീകരണത്തെ കുറിച്ചും കൂടുതല്‍ വിവരങ്ങള്‍ പുറത്ത് വന്നിട്ടില്ല. എസ്. ഹരീഷിന്റെ 'വേട്ടയ്‌ക്കൊരുമകന്‍' എന്ന ചെറുകഥയാണ് സിനിമയ്ക്കാധാരമാകുന്നത്. അന്നയും റസൂലും, ബാച്ചിലര്‍ പാര്‍ട്ടി, ചന്ദ്രേട്ടന്‍ എവിടെയാ, നവംബര്‍ റെയ്ന്‍, നിദ്ര തുടങ്ങിയവയാണ് സന്തോഷ് ഏച്ചിക്കാനം തിരക്കഥയൊരുക്കിയ മറ്റു ചിത്രങ്ങള്‍. മലയാളത്തിലെ ഉത്തരാധുനിക ചെറുകഥാകൃത്തുക്കളില്‍ ഒരാള്‍ കൂടിയാണ് സന്തോഷ് ഏച്ചിക്കാനം. ചെറുകഥാ രചനക്കു പുറമേ സിനിമ, സീരിയല്‍ രംഗത്തും ഇപ്പോള്‍ സജീവമാണ്.