റഷ്യയില്‍ നിന്ന് കേരളത്തില്‍ മടങ്ങിയെത്തിയ ഒരാള്‍ക്ക് കൂടി കൊവിഡ് ; ജനിതക പരിശോധന നടത്തുന്നു

റഷ്യയില്‍ നിന്ന് കേരളത്തില്‍ മടങ്ങിയെത്തിയ ഒരാള്‍ക്ക് കൂടി കൊവിഡ്.തിരുവനന്തപുരം വിമാനത്താവളം വഴി 29ന് എത്തിയ ആള്‍ക്ക് ആണ് കോവിഡ് . വിമാനത്താവളത്തിലെ പരിശോധനയില്‍ നെഗറ്റിവ് ആയിരുന്നു . ഇയാളുടെ കുടുംബത്തിലെ മറ്റു 2 പേര്‍ക്കും കോവിഡ് സ്ഥിരീകരിച്ചിട്ടുണ്ട്. ഇവര്‍ നിരീക്ഷണത്തില്‍ ആയിരുന്നു ഇതേ സംഘത്തിലെ ഒരാളുടെ സാമ്പിള്‍ ജനിതക പരിശിധനയ്ക്ക് അയച്ചിരിക്കുകയാണ് . 30 അംഗ സംഘത്തില്‍ കൊച്ചി വിമാനതാവളത്തില്‍ ഇറങ്ങിയവരെ പരിശോധിച്ചു നിരീക്ഷണത്തില്‍ ആക്കുന്നതില്‍ വീഴ്ച ഉണ്ടായിരുന്നു. ഒമിക്രോണില്‍ കേന്ദ്ര മാര്‍ഗനിര്‍ദേശം നടപ്പാക്കുന്നതിന് മുന്‍പ് കേരളത്തിലെത്തിയവരെ കണ്ടെത്തി മുന്‍കരുതലെടുക്കുന്നതില്‍ വീഴ്ച്ച സംഭവിച്ചു. നവംബര്‍ 29ന് റഷ്യയില്‍ നിന്നെത്തിയവരില്‍ ഒരാള്‍ക്ക് കോവിഡ് പോസിറ്റീവ് സ്ഥീരീകരിച്ചിട്ടും കൂടെ യാത്ര ചെയ്തവരെ പൂര്‍ണമായും നിരീക്ഷണത്തിലാക്കുന്നത് വൈകി. സംഘത്തില്‍ ഏറ്റവും കൂടുതല്‍ പേര്‍ വിമാനമിറങ്ങിയ എറണാകുളത്താണ് പലരും പരിശോധന പോലുമില്ലാതെ കടന്നുപോയത്. ഇക്കാര്യത്തില്‍ യാത്രാസംഘത്തില്‍ ഒപ്പമുണ്ടായിരുന്നയാള്‍ തന്നെ പരാതി നല്‍കിയെങ്കിലും ഇടപെടലുണ്ടായില്ല. കോവിഡ് പോസിറ്റിവായ ആളുടെ സാംപിള്‍ ശന്‍ിയാഴ്ച മാത്രമാണ് ജനിതക പരിശോധനയ്ക്ക് അയച്ചത്. 28ന് റഷ്യയില്‍ നിന്ന് വിനോദസഞ്ചാരം കഴിഞ്ഞ തിരികെയെത്തിയ മുപ്പതംഗ സംഘത്തില്‍ പലരും പരിശോധന പോലുമില്ലാതെ കടന്നുപോയ വിവരം നേരത്തെ പുറത്തുവന്നിരുന്നു. പരിശോധിക്കുമെന്ന് സര്‍ക്കാരും പറഞ്ഞിരുന്നു. ഇതില്‍ 2ന് സാംപിളെടുത്ത കോട്ടയം സ്വദേശിയാണ് പിന്നീട് കോവിഡ് പോസിറ്റീവായത്.