കോവളത്ത് സ്വകാര്യ ഹോട്ടലില്‍ വിദേശി ഉറുമ്പരിച്ച നിലയില്‍

കോവളത്ത് സ്വകാര്യ ഹോട്ടലില്‍ വിദേശി ഉറുമ്പരിച്ച നിലയില്‍. അമേരിക്കന്‍ പൗരനായ ഇര്‍വിന്‍ ഫോക്‌സിനെയാണ് ബീച്ചിനു പിന്നിലെ ഹോട്ടലില്‍ മരിച്ച നിലയില്‍ കണ്ടെത്തിയത്. 77 വയസ്സുകാരനാണ് ഇര്‍വിന്‍ ഫോക്‌സ്. ഒരു വര്‍ഷം മുന്‍പ് കോവളത്തിലെത്തിയ അദ്ദേഹത്തിന് വീഴയില്‍ പരുക്ക് പറ്റിയിരുന്നു എന്നാണ് വിവരം. തുടര്‍ന്ന് അദ്ദേഹം ചികിത്സയില്‍ കഴിയുകയായിരുന്നു. കോവളം പൊലീസ് കഴിഞ്ഞ ദിവസം നടത്തിയ ബീച്ച് പരിശോധനക്കിടെയാണ് ഇദ്ദേഹത്തെ കണ്ടെത്തിയത്. മുറിക്കുള്ളില്‍ മലമൂത്ര വിസര്‍ജ്യങ്ങള്‍ക്കുള്ളിലാണ് അദ്ദേഹം കിടന്നിരുന്നത്. ഇദ്ദേഹത്തിന്റെ മുറുവുകളില്‍ ഉറുമ്പരിച്ചിരുന്നു. ആഹാരമോ പരിചരണമോ ലഭിക്കാതെ അവശനിലയിലായിരുന്നു. നിലവില്‍ ഇദ്ദേഹത്തിന് പരിചരണവും ആശുപത്രിയില്‍ എത്തിച്ച് ചികിത്സ നല്‍കാനും പൊലീസ് തീരുമാനിച്ചിട്ടുണ്ട്.