എയര്‍ ഇന്ത്യ ദുബായ് വിമാനം നേരത്തെ പറന്നു; പോകാനാകാതെ യാത്രക്കാര്‍; കരിപ്പൂര്‍ വിമാനത്താവളത്തില്‍ പ്രതിഷേധം

എയര്‍ ഇന്ത്യ ദുബായ് വിമാനം നേരത്തെ ടേക്ക് ഓഫ് ചെയ്തതില്‍ പ്രതിഷേധിച്ച് യാത്രക്കാര്‍. വിമാനത്തില്‍ പോകാനാകാത്ത അന്‍പതിലധികം യാത്രക്കാര്‍ കരിപ്പൂര്‍ വിമാനത്താവളത്തില്‍ പ്രതിഷേധിക്കുകയാണ്.വൈകീട്ട് 8.25 ന് പോകേണ്ടിയിരുന്ന വിമാനം ഉച്ചയ്ക്ക് ഒന്നരയ്ക്കാണ് പുറപ്പെട്ടത്. വിമാന സമയത്തിലെ മാറ്റം യാത്രക്കാരെ അറിയിക്കാതെയാണ് ഉച്ചയ്ക്ക് പുറപ്പെട്ടത്. എന്നാല്‍ ഫ്ളൈറ്റ് സമയത്തിലെ മാറ്റം ഇ.മെയില്‍ അയച്ചിരുന്നെന്നാണ് എയര്‍ ഇന്ത്യയുടെ വിശദീകരണം. വിമാനത്തില്‍ പോകാന്‍ സാധിക്കാത്ത യാത്രക്കാരെ ഷാര്‍ജയിലേക്ക് പോകാന്‍ സൗകര്യമൊരുക്കാമെന്ന് എയര്‍ ഇന്ത്യ അറിയിച്ചു. എന്നാല്‍ ക്വാറന്റീന്‍, ജോലി സമയം എന്നിവ കാരണം പലര്‍ക്കും ഈ ബദല്‍മാര്‍ഗം സ്വീകാര്യമല്ല. നാളെ പുറപ്പെടുന്ന എയര്‍ ഇന്ത്യ വിമാനത്തില്‍ ടിക്കറ്റ് നല്‍കാമെന്ന് അധികൃതര്‍ അറിയിച്ചു. എന്നാല്‍ ഏഴ് സീറ്റ് മാത്രമേ നാളത്തെ വിമാനത്തില്‍ ബാക്കിയുള്ളുവെന്ന് അധികൃതര്‍ അറിയിച്ചിരുന്നതായി യാത്രക്കാരിലൊരാളായ രഹനാസ് പറഞ്ഞു.