സി പി ഐ അയയുന്നു വിജയിക്കുന്ന സീറ്റുമതി

കോട്ടയം ജില്ലയിലെ സീറ്റ് വിഭജനത്തിൽ ഇടതുമുന്നണിക്ക് മുന്നിൽ കീറാമുട്ടിയായിനിന്നിരുന്ന പ്രശ്‌നങ്ങൾ അവസാനകക്കുന്നു. പാലായിലെ പിടിവാശി എൻ സി പി അവസാനിപ്പിച്ചതിനു പിന്നാലെ കാഞ്ഞിരപള്ളിയിൽ നിന്ന് സി പി ഐ യും മാറുകയാണ്.
കാഞ്ഞിരപ്പള്ളിക്കായി വാശി വേണ്ടെന്നാണു പാർട്ടി തീരുമാനം. പകരമായി പൂഞ്ഞാറോ, ചങ്ങനാശേരിയോ ആണു ലക്ഷ്യം. കോട്ടയവും ഇവരുെ ലിസറ്റിലുണ്ട്. കാഞ്ഞിരപ്പള്ളിക്കു പകരമായി കൊല്ലത്തു സീറ്റു ലഭിക്കണമെന്നു സി.പി.ഐ. സംസ്ഥാന നേതൃത്വത്തിന് ആഗ്രഹമുണ്ടെങ്കിലും ജില്ലാ നേതൃത്വത്തിനും താത്പര്യമില്ല.

ഈ സാഹചര്യത്തിൽ കാഞ്ഞിരപ്പള്ളിക്ക് പകരം പൂഞ്ഞാറും ചങ്ങനാശേരിയും ചോദിച്ചിട്ടുണ്ടെങ്കിലും പൂഞ്ഞാറാണു താത്പര്യം. ചങ്ങനാശേരിയിലും കോട്ടയത്തും പാർട്ടിക്കു സംഘടനാ സംവിധാനം കുറവാണ്. പൂഞ്ഞാർ ലഭിച്ചാൽ, ജില്ലാ പഞ്ചായത്ത് എരുമേലി ഡിവിഷനിൽ നിന്നു ജയിച്ച ശുഭേഷ് സുധാകരനെ സ്ഥാനാർഥിയാക്കാമെന്നും പാർട്ടി കണക്കുകൂട്ടൂന്നു.

കൊല്ലമൊഴികെ ജില്ലയ്ക്കു പുറത്ത് ഒരു സീറ്റ് നൽകാമെന്ന സി.പി.എം. വാഗ്ദാനം സി.പി.ഐ. ജില്ലാ ഘടകത്തിനു ദഹിക്കുന്നില്ല പക്ഷെ സംസ്ഥാന നേതൃത്വം അതു പരിശോധിക്കുന്നുണ്ട്. . നിലവിൽ, വൈക്കം, കാഞ്ഞിരപ്പള്ളി സീറ്റുകളിലാണു സി പി ഐ മത്സരിക്കുന്നത്. വൈക്കം സംവരണ മണ്ഡലമായതിനാൽ ജില്ലയിൽ പാർട്ടിക്കുണ്ടായിരുന്ന ഏക ജനറൽ സീറ്റായിരുന്നു കാഞ്ഞിരപ്പള്ളി.

കാഞ്ഞിരപ്പള്ളിക്കു പകരം മറ്റൊരു സീറ്റ് ജില്ലയിൽ തന്നെ കിട്ടിയില്ലെങ്കിൽ പാർട്ടിയുടെ പ്രസക്തി കുറയുമെന്നു നേതാക്കൾ ഭയപ്പെടുന്നു. പക്ഷെ ജില്ലാ പഞ്ചായത്തിലും, പഞ്ചായത്തിലും വലിയ പ്രൗഡികാണിക്കാൻ പറ്റാത്തത് അവകാശവാദത്തിന് ബലം കുറയ്ക്കുന്നുണ്ട്.