ലോകത്ത് ജനിതകമാറ്റംവന്ന 4000 ഇനം വൈറസെന്ന് ബ്രിട്ടീഷ് മന്ത്രി

കൊവിഡ് ബാധയ്ക്ക് കാരണമാകുന്ന ജനിതകമാറ്റം വന്ന 4000 ഇനം വൈറസ് ലോകത്തുണ്ടെന്ന് ബ്രിട്ടനിലെ വാക്‌സിന്‍ വിതരണ മന്ത്രി നദിം സഹാവി. ബ്രിട്ടീഷ് മെഡിക്കല്‍ ജേണലിലെ പഠനത്തിന്റെ അടിസ്ഥാനത്തിലാണ് പരാമര്‍ശം. വാക്‌സിന്‍ നിര്‍മാതാക്കള്‍ വാക്‌സിനുകളുടെ കാര്യക്ഷമത വര്‍ധിപ്പിക്കാന്‍ ആവശ്യമായ നടപടികള്‍ സ്വീകരിക്കണമെന്നും അദ്ദേഹം കൂട്ടിച്ചേര്‍ത്തു.
ഏതു ജനിതകമാറ്റത്തെയും നേരിടാന്‍ തയ്യാറാണെന്ന് ഉറപ്പുവരുത്തേണ്ടതുണ്ട്. വകഭേദം വന്ന ആയിരക്കണക്കിന് വൈറസുകളുണ്ടെങ്കിലും വളരെ കുറച്ച് എണ്ണം മാത്രമാണ് അപകടകാരികളെന്നും അദ്ദേഹം വ്യക്തമാക്കി. ലോകത്ത് ജനിതകഘടന വേര്‍തിരിക്കുന്നതില്‍ മുന്നില്‍നില്‍ക്കുന്ന രാജ്യമാണ് തങ്ങളുടേതെന്നും അതിനാല്‍ രോഗവ്യാപനം മറികടക്കാന്‍ ആകുമെന്നും നദിം പറഞ്ഞു.