ട്രംപിന്റെ മരുമകന്‍ ജാരദ് കുഷ്നര്‍ക്ക് സമാധാന നൊബേലിന് നാമനിര്‍ദേശം

ഓസ്ലോ: യുഎസ് മുന്‍ പ്രസിഡന്റ് ഡോണള്‍ഡ് ട്രംപിന്റെ മരുമകനും വൈറ്റ് ഹൗസ് ഉപദേശകനുമായ ജാരദ് കുഷ്നര്‍ക്കും അദ്ദേഹത്തിന്റെ ഡെപ്യൂട്ടി അവി ബെര്‍കോവിറ്റ്‌സിനും സമാധാന നൊബേലിന് നാമനിര്‍ദേശം. യുഎഇ ഉള്‍പ്പെടെയുള്ള അറബ് രാജ്യങ്ങളുമായി ഇസ്രായേല്‍ നയതന്ത്ര ബന്ധം സ്ഥാപിക്കാനുള്ള സമാധാന കരാര്‍ പ്രായോഗികമാക്കിയതിനാണ് നാമനിര്‍ദേശം.
ട്രംപിന്റെ രണ്ട് ഡെപ്യൂട്ടി ഉദ്യോഗസ്ഥരുടെ പേരും സമാധാന നൊബേലിന് പരിഗണിക്കുന്നുണ്ട്. അമേരിക്കന്‍ അറ്റോര്‍ണി ഡെര്‍ഷോവിറ്റ്‌സ് ആണ് രണ്ട് ഡെപ്യൂട്ടി ഉദ്യോഗസ്ഥരുടെയും പേര് നിര്‍ദേശിച്ചത്. കഴിഞ്ഞവര്‍ഷം ട്രംപിനെതിരായ ഇംപീച്ച്‌മെന്റ് നടപടികള്‍ വന്നപ്പോള്‍ അലന്‍ അദ്ദേഹത്തെ പിന്തുണച്ചിരുന്നു.
റഷ്യന്‍ പ്രതിപക്ഷനേതാവ് അലെക്‌സി നവല്‍നി, സ്വീഡിഷ് കാലാവസ്ഥാപ്രവര്‍ത്തക ഗ്രെറ്റ ത്യുന്‍ബേ എന്നിവര്‍ക്കും ലോകാരോഗ്യസംഘടനയ്ക്കും(ഡബ്ല്യു.എച്ച്.ഒ.) ഇത്തവണത്തെ സമാധാന നൊബേലിന് നാമനിര്‍ദേശം ലഭിച്ചിട്ടുണ്ട്.