പ്രവാസികള്‍ക്ക് ഇരട്ട നികുതിയില്ല; സ്റ്റാര്‍ട്ടപ്പുകളെ നികുതിയില്‍ നിന്ന് ഒരു വര്‍ഷത്തേക്ക് കൂടി ഒഴിവാക്കി

നികുതി സമ്പ്രദായം കൂടുതല്‍ സുതാര്യമാക്കുമെന്ന് ധനമന്ത്രി നിര്‍മലാ സീതാരാമന്‍ പറഞ്ഞു. നികുതിയുമായി ബന്ധപ്പെട്ട് തര്‍ക്കപരിഹാരത്തിന് പ്രത്യേക പാനല്‍ രൂപീകരിക്കുമെന്ന് മന്ത്രി പറഞ്ഞു.
നികുതിയില്‍ ഇളുകള്‍ പ്രഖ്യാപിച്ച് ധനമന്ത്രി നിര്‍മല സീതാരാമന്‍. വാസികളെ ഇരട്ട നികുതിയില്‍ നിന്ന് ഒഴിവാക്കി. സ്റ്റാര്‍ട്ടപ്പുകളെ നികുതിയില്‍ നിന്ന് ഒരു വര്‍ഷത്തേക്ക് കൂടി ഒഴിവാക്കിയിട്ടുണ്ട്.
അതേസമയം, ആദായനികുതി ഘടനയില്‍ ഇത്തവണ മാറ്റം വരുത്തിയില്ല. എന്നാല്‍ മുതിര്‍ന്ന പൗരന്മാരെ ഐടിആറില്‍ നിന്ന് ഒഴിവാക്കിയിട്ടുണ്ട്. 75 വയസിന് മുകളില്‍ പ്രായമുള്ള പൗരന്മാരെയാണ് ആധായ നികുതി റിട്ടേണ്‍ ഫയല്‍ ചെയ്യുന്നതില്‍ നിന്ന് ഒഴിവാക്കിയിരിക്കുന്നത്.
നമ്മുടെ രാജ്യത്തെ മുതിര്‍ന്ന പൗരന്മാരെ ഐടിആര്‍ ബാധ്യതയില്‍ നിന്ന് ഒഴിവാക്കുകയാണെന്ന് പറഞ്ഞാണ് ധനമന്ത്രി ഈ പ്രഖ്യാപനം ആരംഭിച്ച്. പെന്‍ഷന്‍ , പെന്‍ഷന്റെ പലിശ എന്നിവയെ മാത്രം ആശ്രയിച്ച് ജീവിക്കുന്ന 75 വയസിന് മുകളില്‍ പ്രായമുള്ള വയോധികരെയാണ് പദ്ധതിയില്‍ ഉള്‍പ്പെടുത്തുക.