വെളിച്ചെണ്ണ മില്ലില്‍ തീപ്പിടിത്തം

നോര്‍ത്ത് ബേപ്പൂരിലെ വെളിച്ചെണ്ണമില്ലിന് തീപിടിച്ചു. വെളിച്ചെണ്ണയ്ക്കുവേണ്ടി കൊപ്ര സംസ്‌കരിക്കുന്ന അനിത ഓയില്‍ മില്ലാണ് ചൊവ്വാഴ്ച രാത്രി അഗ്‌നിക്കിരയായത്. 30 ക്വിന്റല്‍ കൊപ്ര കത്തിനശിച്ചതായി അധികൃതര്‍ പറഞ്ഞു. നാലുലക്ഷം രൂപയുടെ നഷ്ടം കണക്കാക്കുന്നു. നോര്‍ത്ത് ബേപ്പൂരിലെ കക്കാടത്ത് പാലാട്ട് ബാബുവിന്റെ ഉടമസ്ഥതയിലുള്ളതാണ് മില്‍. മീഞ്ചന്തയില്‍ നിന്നെത്തിയ ഫയര്‍ഫോഴ്സും ബേപ്പൂര്‍ പൊലീസും ഉടന്‍ സ്ഥലത്തെത്തി തീയണച്ചു. കൗണ്‍സിലര്‍ കെ. രാജീവന്റെയും മുന്‍ കൗണ്‍സിലര്‍ പേരോത്ത് പ്രകാശിന്റെയും നേതൃത്വത്തിലെത്തിയ നാട്ടുകാര്‍ തത്സമയം രക്ഷാപ്രവര്‍ത്തനത്തില്‍ വ്യാപൃതരായി. ഡ്രയര്‍ കത്തിയതാണ് തീപ്പിടിത്തത്തിന് കാരണമെന്ന് കരുതുന്നു.