പനവേല്‍, കന്യാകുമാരി ദേശീയപാതയില്‍ കൊല്ലം മേഖലയിലും ടോള്‍ ആരംഭിക്കുന്നു

കൊല്ലം : പനവേല്‍, കന്യാകുമാരി ദേശീയപാതയില്‍ കൊല്ലം മേഖലയിലും ടോള്‍ വരുന്നു. ബൈപ്പാസില്‍ ടോള്‍ പിരിവിനുള്ള ഒരുക്കങ്ങള്‍ പുരോഗമിക്കുന്നു. ടോള്‍ ബൂത്തിന്റെ പണി പൂര്‍ത്തിയായാല്‍ ഉടന്‍ പിരിവു തുടങ്ങും.

കാവനാട് ആല്‍ത്തറമൂടിനും കുരീപ്പുഴയ്ക്കും ഇടയിലാണ് ടോള്‍ ബൂത്ത്. ഉത്തരേന്ത്യന്‍ കമ്പനിയാണ് ടോള്‍ പിരിക്കുന്നതിനു കരാര്‍ എടുത്തത്. ദേശീയപാത അതോറിറ്റിക്ക് പ്രതിവര്‍‌ഷം 11.52 കോടി രൂപ ടോള്‍ പിരിവിലൂടെ വരുമാനം ലഭിക്കുമെന്നാണ് കരുതുന്നത്.

ബൈപാസ് റോഡിന്റെ ഉദ്ഘാടനം നടന്നിട്ടു രണ്ടു വര്‍ഷം പൂര്‍ത്തിയാകുകയാണ്. 2019 ജനുവരി 15നു ആണ് പ്രധാനമന്ത്രി നരേന്ദ്രമോദി ബൈപാസ് ഉദ്ഘാടനം ചെയ്തത്. പാതയുടെ നിര്‍മാണത്തോടൊപ്പം ടോള്‍ പ്ലാസയും നിര്‍മിച്ചിരുന്നു. ഇപ്പോള്‍ പണം ഇൗടാക്കുന്നതിനുള്ള യന്ത്ര സംവിധാനം ആണ് ഒരുക്കുന്നത്.