യുഎസ് പാര്‍ലമെന്റില്‍ കടന്നു കയറി ആക്രമം അഴിച്ചു വിട്ട് ട്രംപ് അനുകൂലികള്‍

ഒരു സ്ത്രീ കൊല്ലപ്പെട്ടു

വാഷിംഗ്ടണ്‍ ഡിസിയില്‍ നടന്ന ട്രംപ് അനുകൂല റാലി ആക്രമത്തില്‍ കലാശിച്ചു. യുഎസ് പാര്‍ലമെന്റായ ക്യാപിറ്റോള്‍ ഹാളിനുള്ളില്‍ അതിക്രമിച്ചു കയറിയ ട്രംപ് അനുകൂലികള്‍ പൊലീസുമായി ഏറ്റുമുട്ടി. ആക്രമത്തില്‍ ഒരു സ്ത്രീ കൊല്ലപ്പെട്ടു. ജോ ബൈഡന്റെ വിജയം അംഗീകരിക്കാന്‍ യുഎസ് കോണ്‍ഗ്രസിന്റെ ഇരു സഭകളും സമ്മേളിക്കുന്നതിനിടെയാണ് സംഭവങ്ങള്‍ അരങ്ങേറിയത്. ആക്രമത്തില്‍ പരിക്കേറ്റ അഞ്ചു പേരെ ആശുപത്രിയില്‍ പ്രവേശിപ്പിച്ചു.
സെനറ്റ് ചേംബറില്‍ അതിക്രമിച്ച് കയറിയവര്‍ അധ്യക്ഷന്റെ വേദിയില്‍ കയറിപറ്റി ഇന്ത്യന്‍ സമയം പുലര്‍ച്ചെ ഒന്നോടെയാണ് സംഭവം. ഇരു സഭകളും നിര്‍ത്തി വെച്ച് അംഗങ്ങളെ സുരക്ഷിത സ്ഥാനത്തേക്ക് മാറ്റിയിരിക്കുകയാണ്. ആക്രമത്തെതുടര്‍ന്ന് നഗരത്തില്‍ ദേശീയ സുരക്ഷാ സേനയെ വിന്യസിച്ചിട്ടുണ്ട്. പ്രതിഷേധക്കാരോട് പിരിഞ്ഞു പോവാന്‍ പറയണമെന്ന് ജോ ബൈഡന്‍ ട്രംപിനോട് ആവശ്യപ്പെട്ടു.