നിവിന്‍ പോളി ചിത്രത്തില്‍ മൈമുവായി ജോജു എത്തുന്നു

നിവിന്‍ പോളിയുടെ റിലീസ് പ്രഖ്യാപിച്ച ചിത്രമായ തുറമുഖത്തില്‍ നടന്‍ ജോജു ജോര്‍ജ് തീവ്രമായ ലുക്കില്‍ മൈമു എന്ന കഥാപാത്രമായി പൊളിക്കുന്നു. മൊയ്ദു എന്ന കഥാപാത്രത്തെയാണ് നിവിന്‍ പോളി അവതരിപ്പിക്കുന്നത്. ഈ വരുന്ന ഈദ് ആഘോഷമാക്കാനായി ചിത്രം തിയേറ്ററുകളിലെത്തും. നിവിന്‍ പോളിക്ക് തുല്യമായി ശക്തമായ വേഷത്തിലാണ് ജോജുവും ഈ സിനിമയില്‍ എത്തുന്നത്. അടുത്തിടെ പുറത്തുവന്ന പോസ്റ്ററുകളിലും ജോജു തീവ്രമായ ലുക്കില്‍ ആയിരുന്നു പ്രത്യക്ഷപ്പെട്ടത്.

അതേസമയം ജോജു ജോര്‍ജ് മുമ്പില്‍ നിരവധി ചിത്രങ്ങളാണുള്ളത്. മമ്മൂട്ടിയുടെ 'വണ്‍', 'ഫഹദ് ഫാസിലിന്റെ 'മാലിക്', ലിജോ ജോസ് പെല്ലിശ്ശേരിയുടെ 'ചുരുളി', തമിഴ് ചിത്രം 'ജഗമേ തന്തിരം', സുരേഷ് ഗോപിയുടെ 'ഒറ്റക്കൊമ്പന്‍', 'മധുരം', പീസ് തുടങ്ങി നിരവധി ചിത്രങ്ങളാണ് ജോജു ജോര്‍ജ്ജിന്റേതായി ഇനി വരാനുള്ളത്.

'മധുരം' എന്ന ചിത്രത്തിന്റെ ഷൂട്ടിംഗിലാണ് ജോജു ഇപ്പോള്‍. ജൂണ്‍ സംവിധായകന്‍ അഹമ്മദ് കബീര്‍ ആണ് ഈ ചിത്രവും സംവിധാനം ചെയ്യുന്നത്. റൊമാന്റിക് ഡ്രാമ വിഭാഗത്തില്‍ പെടുന്ന ചിത്രത്തില്‍ ശ്രുതി രാമചന്ദ്രന്‍, നിഖില വിമല്‍, അര്‍ജുന്‍ അശോകന്‍, ഇന്ദ്രന്‍സ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ആക്ഷന് പ്രാധാന്യം നല്‍കുന്ന 'പീസ്' എന്ന ജോജു ചിത്രവും ഏറെ പ്രതീക്ഷ നല്‍കുന്നതാണ്.