നിറവയര്‍ കാണിച്ച് വീണ്ടും അനുഷ്‌ക; ഇത്തവണ വോഗ് മാഗസിന്റെ മുഖചിത്രമായി നടി

ക്രിക്കറ്റ് താരം വീരാട് കോലിയും ബോളിവുഡ് സുന്ദരി അനുഷ്‌ക ശര്‍മ്മയും ആദ്യ കണ്മണിയെ വരവേല്‍ക്കാനുള്ള കാത്തിരിപ്പിലാണ്. മാസങ്ങള്‍ക്ക് മുന്‍പ് അനുഷ്‌ക ഗര്‍ഭിണിയാണെന്നുള്ള വിവരം പറഞ്ഞത് മുതല്‍ താരദമ്ബതിമാരുടെ പിന്നാലെയായിരുന്നു ക്യാമറകണ്ണുകള്‍. സിനിമയുടെ സെറ്റിലും ക്രിക്കറ്റ് സ്റ്റേഡിയത്തിലുമൊക്കെ നിറവയറുമായി എത്തിയ അനുഷ്‌കയുടെ ചിത്രങ്ങള്‍ വൈറലാണ്.
ഇപ്പോഴിതാ വോഗ് മാഗസിന്റെ കവര്‍ ചിത്രമായി വീണ്ടും അനുഷ്‌ക എത്തിയെന്നുള്ള വിശേഷമാണ് സോഷ്യല്‍ മീഡിയ പേജുകളില്‍ നിറയുന്നത്. ഓഫ് വൈറ്റ് നിറമുള്ള വസ്ത്രത്തില്‍ അതീവ സുന്ദരിയായിട്ടാണ് അനുഷ്‌ക പ്രത്യക്ഷപ്പെടുന്നത്. നീളമുള്ള ജാക്കറ്റ് ധരിച്ചെങ്കിലും നിറവയര്‍ വ്യക്തമായി കാണിച്ചുള്ള ചിത്രമാണ് കവര്‍ പേജിലേത്. 'അനുഷ്‌ക ശര്‍മ്മയുടെ പുതിയ തുടക്കം' എന്ന് കൂടി പേജില്‍ സൂചിപ്പിച്ചിട്ടുണ്ട്. 2017 ഡിസംബറിലാണ് അനുഷ്‌കയും വീരാടും വിവാഹിതരാവുന്നത്. അതീവ രഹസ്യമായി ഇറ്റലിയില്‍ വെച്ച് നടത്തിയ വിവാഹം ഇന്ത്യയില്‍ വളരെയധികം ചര്‍ച്ചയാക്കപ്പെട്ടിരുന്നു. വിവാഹം കഴിഞ്ഞ് മൂന്നാം വാര്‍ഷികം അടുത്തിടൊയണ് ഇരുവരും ചേര്‍ന്ന് ആഘോഷിച്ചത്. ഇത്തവണ കുഞ്ഞ് കൂടി വരുന്നതിന്റെ സന്തോഷത്തിലായിരുന്നു.