മുപ്പത് സീറ്റിൽ ലീഗ് ; കൂടുതൽ സ്വതന്ത്രർ വേണമെന്ന് ആവശ്യം

അടുത്ത നിയമസഭാ തിരഞ്ഞെടുപ്പിൽ വടക്കൻ കേരളത്തിലും മധ്യ കേരളത്തിലുമായി 30 സീറ്റുകളിൽ മത്‌സരിക്കാൻ മുസ്‌ളീലീഗ് തീരുമാനം. അതിനു പുറമെ കോൺഗ്രസിന്റെ വിജയസാധ്യത ഇല്ലാത്ത സ്ഥാനാർത്ഥികളെ മാറ്റി അത്തരം മണ്ഡലങ്ങളിൽ സ്വതന്ത്രരെ പരിഗണിക്കണമെന്ന ആവശ്യവും ലീഗ് നേതൃത്വം കോൺഗ്രസ് നേതാക്കളോട് ആവശ്യപ്പെട്ടിട്ടുണ്ട്.
തങ്ങളുടെ സീറ്റിൽ യുവാക്കൾക്ക് പ്രാതിനിധ്യം നൽകുമെന്നും നവർ ചർച്ചകളിൽ അറിയിച്ചിട്ടുണ്ട്.
മലബാറിന് പുറമെയുള്ള മേഖലയിലും ശക്തമായ സാന്നിധ്യമാവുകയാണ് ലീഗിന്റെ ലക്ഷ്യം
യുഡിഎഫ് മുന്നണി ധാരണ അനുസരിച്ച് നിലവിൽ 24 സീറ്റുകളിലാണ് മുസ്ലിം ലീഗ് നിയമസഭയിലേക്ക് മത്സരിക്കുന്നത്. കഴിഞ്ഞ തവണ കൂടുതൽ സീറ്റുകൾ അവശ്യപ്പെട്ടിരുന്നങ്കിലും വിവാദങ്ങൾക്ക് ഒടുവിൽ അവസാനം ലീഗ് ഒത്തു തീർപ്പിന് തയാറായി. എന്നാൽ വരുന്ന നിയമസഭ തെരഞ്ഞെടുപ്പിൽ വിലപേശാൻ ഉറച്ചു നിൽക്കുകയാണ് ലീഗ് നേതൃത്വം.

മുന്നണിയിൽ പാർട്ടിക്ക് ശേഷി കൂടിയിട്ടുണ്ട് എന്നാണ് മുസ്ലിം ലീഗ് നേതൃത്വത്തിന്റെ വിലയിരുത്തൽ. മത്സരിക്കുന്ന സീറ്റുകളിലെ മുൻകാല ശക്തി പ്രകടനങ്ങൾ കൂടി ചൂണ്ടിക്കാട്ടിയാണ് ലീഗിന്റെ വിലപേശൽ. നേരത്തെ മത്സരിച്ചിരുന്ന സീറ്റുകൾ കൂടാതെ ആറു സീറ്റുകൾ അധികം ആവശ്യപ്പെടാനാണ് സാധ്യത. കേരള കോൺഗ്രസ് എം ജോസ് കെ മാണി വിഭാഗവും എൽജെഡിയും മുന്നണി വിട്ടതോടെ യുഡിഎഫിൽ സീറ്റുകൾ ഒഴിവ് വന്ന പശ്ചാത്തലത്തിൽ കൂടിയാണ് ലീഗിന്റെ നീക്കം. ഈ സീറ്റുകൾ ഏറ്റെടുക്കണമെന്ന് കോൺഗ്രസും പിജെ ജോസഫ് വിഭാഗവും കണക്ക് കൂട്ടുമ്പോഴാണ് കൂടുതൽ സീറ്റുകൾക്ക് വേണ്ടി മുസ്ലിം ലീഗ് കരുനീക്കം നടത്തുന്നത്. തദ്ദേശ തെരഞ്ഞെടുപ്പിൽ കോട്ടയത്തും ഇടുക്കിയിലും ജോസഫ് പക്ഷത്തിനും മറ്റിടങ്ങളിൽ കോൺഗ്രസിനും വൻ തിരിച്ചടിയേൽക്കേണ്ടി വന്ന സാഹചര്യവും ലീഗിന് അനുകൂലമാകുമെന്നാണ് പാർട്ടി വിലയിരുത്തൽ. മലബാറിൽ നിന്നും മധ്യകേരളത്തിലേക്കും തെക്കൻ കേരളത്തിലേക്കും കൂടി ചുവട് മാറ്റാനും മുസ്ലിം ലീഗ് ആഗ്രഹിക്കുന്നുണ്ട്.
ഇപ്പോൾ കുഞ്ഞാലിക്കുട്ടി സഭാനേതാക്കളുമായി നടത്തുന്ന ചർച്ചകളിലെ ഒരാവശ്യം ഇതാണ് . കോട്ടയം , ആലപ്പുഴ, തിരുവനന്തപുരം, കൊല്ലം ജില്ലകളിലും ഇടുക്കിയിലുമാണ് ലീഗിന് കണ്ണുള്ളത്.