നിവിന്‍ പോളിയുടെ പേഴ്സണല്‍ മേക്കപ്പ്മാന്‍ ഷാബു പുല്‍പ്പള്ളി വിടവാങ്ങി; അനുശോചനമറിയിച്ച് താരങ്ങള്‍

മലയാള സിനിമയുടെ പ്രീയപ്പെട്ട യുവനടന്‍ നിവിന്‍ പോളി. താരത്തിന്റെ പേഴ്സണല്‍ മേക്കപ്പ്മാന്‍ ഷാബു പുല്‍പ്പള്ളി അന്തരിച്ചു. ആന്തരിക രക്തസ്രാവാതെ തുടര്‍ന്നായിരുന്നു അന്ത്യം.

ക്രിസ്തുമസ് സ്റ്റാര്‍ തൂക്കാനായി മരത്തില്‍ കയറിയപ്പോള്‍ നിയന്ത്രണം നഷ്ടപ്പെട്ട് താഴെ വീഴുകയായിരുന്നു.തുടര്‍ന്നായിരുന്നു ആന്തരിക രക്തസ്രാവം ഉണ്ടായതും. അപകടം ഉണ്ടായതിനെ തുടര്‍ന്ന് ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.

ഏറെ നാളുകളായി നിവിന്‍ പോളിയോടൊപ്പം നിരവധി ചിത്രങ്ങളില്‍ പ്രവര്‍ത്തിച്ച ഷാബു അദ്ദേഹത്തിന്റെ അസിസ്റ്റന്റായി തുടരുകയായിരുന്നു.

നിരവധി താരങ്ങള്‍ ഷാബുവിന്റെ മരണത്തില്‍ അനുശോചനമറിയിച്ചുകൊണ്ട് രംഗത്തെത്തി. ഷാബു ഏട്ടാ ആ കടം വീട്ടാന്‍ എനിക്കായില്ല മറന്നതല്ല.. ഒരായിരം മാപ്പ് .. ന്തിനാ ഏട്ടാ ഇങ്ങനെ പോയേ.. എന്നായിരുന്നു അജു വര്‍ഗീസ് കുറിച്ചത്. തട്ടത്തിന്‍ മറയത്ത് എന്ന ആദ്യ ചിത്രം മുതല്‍ ഷാബു നിവിന്‍ പോളിക്ക് ഒപ്പമുള്ള ആളാണെന്നും. അദ്ദേഹത്തിന്റെ കുടുംബത്തിന് ധൈര്യവും ആത്മവിശ്വാസവും നല്‍കട്ടെ എന്നും അജുകുറിച്ചു.മേക്കപ്പ്മാന്‍ ഷാജി പുല്‍പ്പള്ളി സഹോദരനാണ്.

നിവിന്‍ പോളിയുടെ വലംകൈ ഇനിയില്ല എന്നും മലര്‍വാടി തൊട്ട് കനകം കാമിനി കലഹം വരെ, നിവിന്റെ നിഴല്‍ പോലെ കൂടെ നിന്ന മനുഷ്യന്‍. ആദരാഞ്ജലികള്‍ എന്ന വാക്ക് പോലും ശൂന്യത സൃഷ്ടിക്കുകയാണ്. ആരാധകര്‍ കുറിച്ചത്. താരങ്ങളും ആരാധകരുമെല്ലാം ഷാബുവിനെക്കുറിച്ചുള്ള ഓര്‍മ്മകള്‍ പങ്കുവെച്ച് എത്തിക്കൊണ്ടിരിക്കുകയാണ്. ഷാബുവിനെക്കുറിച്ച് അജു വര്‍ഗീസ്, ദുല്‍ഖര്‍ സല്‍മാന്‍, സന്തോഷ് കീഴാറ്റൂര്‍, ഗീതു മോഹന്‍ദാസ്, ഷറഫുദ്ദീന്‍, വിനയ് ഫോര്‍ട്ട് തുടങ്ങി നിരവധി പേരാണ് പറഞ്ഞെത്തിയിട്ടുള്ളത്.