കോവിഡ് ഭീഷണിയെ മറികടന്ന് ചിത്രീകരിച്ച അച്ഛന്റെ തിരക്കഥയില്‍ നായികയായി മീനാക്ഷി

കോവിഡ് ഭീഷണിയെ മറികടന്ന് ചിത്രീകരിച്ച അച്ഛന്റെ തിരക്കഥയില്‍ നായികവേഷമണിഞ്ഞ് എത്തുകയാണ് ബാലതാരമായെത്തി പ്രേക്ഷക മനസിയില്‍ ഇടംപിടിച്ച നടിയും അവതാരകയുമായ മീനാക്ഷി. മീനാക്ഷിയുടെ അച്ഛന്‍ തന്നെയാണ് സിനിമയുടെ കഥ ഒരുക്കിയിരിക്കുന്നതെന്നാണ് ചിത്രത്തിന്റെ മറ്റൊരു പ്രത്യേകത. ഇന്റര്‍കാസ്റ്റ് ദമ്പതികളുടെ മക്കള്‍ നേരിടുന്ന വെല്ലുവിളികളും പ്രശ്‌നങ്ങളും മുഖ്യ പ്രമേയമാക്കി ഒരുക്കുന്ന ചിത്രമാണ് അമീറ. റിയാസ് മുഹമ്മദ് തന്റെ ആദ്യ സിനിമ സംവിധാനം ചെയ്യുന്നത്.

ചിത്രം ഉടന്‍ റിലീസിനെത്തുകയാണെന്നും അണിയറപ്രവര്‍ത്തകര്‍ അറിയിച്ചിരുന്നു. മീനാക്ഷിയുടെ സഹോദരന്‍ ഹാരിഷും ചിത്രത്തിലെത്തുന്നുണ്ട്. കോട്ടയം പുരുഷന്‍, സംവിധായകന്‍ ബോബന്‍ സാമുവല്‍, സുമേഷ് ഗുഡ്ലക്ക്, മീനാക്ഷി മഹേഷ്, സന്ധ്യ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു. അനൂപ് ആര്‍. പാദുവ, സമീര്‍ മുഹമ്മദ് എന്നിവര്‍ ചേര്‍ന്നാണ് ചിത്രത്തിന്റെ രചന നിര്‍വ്വഹിക്കുന്നത്.