ലാന്‍ഡ് റോവര്‍ ഡിഫന്‍ഡര്‍ P400e ഹൈബ്രിഡ് കരുത്തുമായി ഉടന്‍ ഇന്ത്യന്‍ വിപണിയിലേക്ക്

ബ്രിട്ടീഷ് എസ്യുവി നിര്‍മ്മാതാക്കളായ ലാന്‍ഡ് റോവര്‍ ഡിഫന്‍ഡര്‍ എസ്യുവിയുടെ ഹൈബ്രിഡ് വകഭേദമായ P400e ഹൈബ്രിഡ് കരുത്തുമായി ഇന്ത്യന്‍ വിപണിയിലേക്ക് ഉടന്‍ തന്നെ എത്തും. ലാന്‍ഡ് റോവര്‍ ഇന്ത്യ ഡിഫന്‍ഡര്‍ P400eനായുള്ള ബുക്കിങ് ആരംഭിച്ചു. അടുത്ത വര്‍ഷമാണ് ഡെലിവറി ആരംഭിക്കുക. റിപ്പോര്‍ട്ട് പ്രകാരം ഡിഫന്‍ഡര്‍ P400e SE, HSE, X-ssU\manIv HSE, X എന്നിങ്ങനെ നാല് വേരിയന്റുകളില്‍ 110 (അഞ്ച് ഡോര്‍) പതിപ്പില്‍ മാത്രമേ ഇന്ത്യന്‍ വിപണിയിലെത്തൂ.

2.0-ലിറ്റര്‍ പെട്രോള്‍ എഞ്ചിന് 292 ബിഎച്പി പരമാവധി കരുത്തും 400 എന്‍എം ടോര്‍ക്കും വികസിപ്പിക്കുന്നു. ഇതിനൊപ്പം 105 സണ ഇലക്ട്രിക്ക് മോട്ടോര്‍ ഡിഫന്‍ഡര്‍ P400e-യിലുണ്ട്. 19.2 kWh ലിഥിയം-അയണ്‍ ബാറ്ററിയില്‍ നിന്നും ഊര്‍ജം സ്വീകരിച്ച് പ്രവര്‍ത്തിക്കുന്ന ഇലക്ട്രോണിക് മോട്ടോര്‍ കൂടെ ചേരുമ്പോള്‍ ഡിഫന്‍ഡര്‍ P400e-യുടെ ഔട്പുട്ട് 386 ബിഎച്പിയും 640 എന്‍എമ്മും ആണ്. ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ട്രാന്‍സ്മിഷനുമായാണ് ഹൈബ്രിഡ് എന്‍ജിന്‍ ബന്ധിപ്പിച്ചിരിക്കുന്നത്. 5.6 സെക്കന്റില്‍ പൂജ്യത്തില്‍ നിന്നും മണിക്കൂറില്‍ 100 കിലോമീറ്റര്‍ വേഗത കൈവരിക്കാന്‍ ഡിഫന്‍ഡര്‍ P400eയ്ക്ക് സാധിക്കുമെന്നാണ് സൂചന.

അതേസമയം ഒക്ടോബറിലാണ് ഡിഫന്‍ഡറിനെ ഇന്ത്യയിലെത്തിച്ചത്. 2.0-ലിറ്റര്‍ 4-സിലിണ്ടര്‍ പെട്രോള്‍ എന്‍ജിനില്‍ മാത്രമാണ് പുത്തന്‍ ഡിഫന്‍ഡര്‍ ഇന്ത്യയിലെത്തിയിരിക്കുന്നത്.