ഊരുളുങ്കലിനെ ചെന്നിത്തല വെറുക്കുന്നത് എന്തുകൊണ്ട്

മുഖ്യമന്ത്രയായിരുന്ന സമയത്ത് ഉമ്മന്‍ചാണ്ടി കയ്യയച്ച് സഹായിച്ച ഊരാളുങ്കല്‍ സൊസൈറ്റിയെ ചെന്നിത്തലയും കൂട്ടരും വെറുക്കുന്നതിന്റെ കാരണം തേടി മാധ്യമങ്ങള്‍.
കുറഞ്ഞ തുകയില്‍ പണി പൂര്‍ത്തിയാി മിച്ചം വരുന്ന ഖജനാവിലേക്ക് തിരിച്ചടയ്ക്കുന്ന തൊഴിലാളി സംഘത്തെ കണ്ണുമടച്ച് എതിര്‍ക്കുന്നത് ചില വന്‍കിട കരാറുകാര്‍ക്ക് വേണ്ടിയെന്ന ആരോപണം ശക്തമാവുന്നു.
ആലപ്പുഴ കേന്ദ്രീകരിച്ച് പ്രവര്‍ത്തിക്കുന്ന വന്‍കിട കരാറുകാരുടെ ലോബിയാണ് ചെന്നിത്തലയ്ക്കും സുരേന്ദ്രനും പിന്നില്‍ പ്രവര്‍ത്തിക്കുന്നത്. ആലപ്പുഴയില്‍ സന്ദര്‍ശനം നടത്തിയതിനു തൊട്ടുപിന്നാലെയാണ് സുരേന്ദ്രനും ഊരാളുങ്കിനെതിരെ തിരിഞ്ഞത്.
എന്നാല്‍ ഇതേ സൊസൈറ്റിക്ക്
ഉമ്മന്‍ചാണ്ടി സര്‍ക്കാരിന്റെ കാലത്ത് നല്‍കിയത് 1050 കോടി രൂപയുടെ പദ്ധതികള്‍. മാത്രമല്ല, ടെന്‍ഡര്‍ ഇല്ലാതെയും വിശ്വസ്തതയോടെയും ജോലി ഏല്‍പ്പിക്കാവുന്ന സ്ഥാപനമാണ് ഊരാളുങ്കല്‍ എന്ന് നല്ല സര്‍ട്ടിഫിക്കറ്റും നല്‍കി. സര്‍ക്കാര്‍ വകുപ്പുകളിലും പൊതുമേഖലാ സ്ഥാപനങ്ങളിലും വിവരസാങ്കേതികവിദ്യയുമായി ബന്ധപ്പെട്ട പ്രശ്നങ്ങളുടെ സമ്പൂര്‍ണ പരിഹാര ഏജന്‍സിയായി (ടോട്ടല്‍ സൊല്യൂഷന്‍ പ്രൊവൈഡര്‍) 2016 ജനുവരി 18ന് ഊരാളുങ്കലിനെ നിയമിച്ചതും ഉമ്മന്‍ചാണ്ടി സര്‍ക്കാരിന്റെ ഐടി വകുപ്പാണ്. ഇക്കാര്യങ്ങള്‍ വിസ്മരിച്ചാണ് ഊരാളുങ്കലിനെ മറയാക്കി സര്‍ക്കാരിനെ അടിക്കാനുള്ള പ്രതിപക്ഷശ്രമം.ഏറ്റെടുക്കുന്ന ജോലികളിലുള്ള മേന്മയാണ് ഊരാളുങ്കലിനെ സമ്പൂര്‍ണ പരിഹാര ഏജന്‍സിയായി നിയമിക്കാന്‍ കാരണമെന്ന് 2016ലെ ഉത്തരവില്‍ പറയുന്നു.

ഐടി, ഐടിഇഎസ് മേഖലയിലെ എല്ലാ ആവശ്യങ്ങള്‍ക്കും ആശ്രയിക്കാവുന്ന വിശ്വസ്തതയുള്ള സംഘമാണ് സൊസൈറ്റിയെന്നും ടെന്‍ഡര്‍ വിളിക്കാതെ ഇവര്‍ക്ക് കരാറുകള്‍ നല്‍കണമെന്നും അതേ ഉത്തരവില്‍ യുഡിഎഫ് സര്‍ക്കാര്‍ വ്യക്തമാക്കി. ഇതുവരെ ഒരു അഴിമതി ആരോപണവും ഉയരാത്ത, ഒരു നിര്‍മാണത്തിന്റെ പേരില്‍പ്പോലും ആക്ഷേപം നേരിടാത്ത, 95 വര്‍ഷത്തെ പാരമ്പര്യമുള്ള സ്ഥാപനമാണ് തൊഴിലാളികളുടെ പേരിലുള്ള ഈ സഹകരണ സ്ഥാപനം. 150 കോടി രൂപയുടെ കോഴിക്കോട് ബൈപാസ് പദ്ധതി 18 മാസംകൊണ്ടാണ് യുഡിഎഫ് സര്‍ക്കാരിന്റെ കാലത്ത് ഊരാളുങ്കല്‍ പൂര്‍ത്തിയാക്കിയത്. രാമനാട്ടുകര, തൊണ്ടയാട് ഫ്‌ലൈ ഓവറുകളും പൂര്‍ത്തിയാക്കി. വലിയഴിക്കല്‍ പാലം, നാടുകാണി--പരപ്പനങ്ങാടി റോഡ്, കണ്ണൂര്‍ ഹില്‍ ഹൈവേ പദ്ധതികളും നിര്‍വഹിച്ചു. ഇതുവരെ 570 പാലവും ഫ്‌ലൈ ഓവറുകളും 2400ലധികം കെട്ടിടങ്ങളും 500 കിലോമീറ്ററോളം ദേശീയപാതയും പൂര്‍ത്തിയാക്കിയിട്ടുണ്ട്.
ഇതിനെതിരെയാണ് ചെന്നിത്തല രംഗത്തുവന്നിരിക്കുന്നത്. ഇക്കാര്യത്തെക്കുറിച്ച് ചോദിക്കുമ്പോള്‍ ഇപ്പോള്‍ മൗന്മാണ് ചെന്നിത്തലയ്ക്ക്.