പുതിയ സുരക്ഷ നിയമത്തിനെതിരെ ഫ്രാന്‍സില്‍ പ്രതിക്ഷേധം

പ്രസിഡന്റ് ഇമ്മാനുവല്‍ മാക്രോണ്‍ പ്രഖ്യാപിച്ച പുതിയ സുരക്ഷാ നിയമത്തിനെതിരേ ഫ്രാന്‍സിലെ തെരുവുകളില്‍ പ്രതിഷേധം ശക്തമാകുന്നു. ശനിയാഴ്ച പാരീസില്‍ നടന്ന റാലികള്‍ക്കിടെ വ്യാപകമായി അക്രമസംഭവങ്ങളുണ്ടായി.ശനിയാഴ്ച റാലിക്കിടെ മുഖംമറച്ച കുറച്ചുപേര്‍ കടകളുടെ ജനാലകള്‍ തകര്‍ക്കുകയും വാഹനങ്ങള്‍ക്കു തീയിടുകയും ചെയ്തു. പൊലീസിന്റെ ഫോട്ടോ പകര്‍ത്തുന്നത് നിയമവിരുദ്ധമാക്കുന്ന വ്യവസ്ഥയാണു ജനങ്ങളെ തെരുവിലിറക്കുന്നത്. പത്രസ്വാതന്ത്ര്യം വിലക്കുന്ന ഈ നിയമം പൊലീസിന്റെ ക്രൂരതകള്‍ക്കു മറയാകുമെന്ന് ആരോപിക്കപ്പെടുന്നു. വെള്ളക്കാരായ പൊലീസുകാര്‍ ഒരു കറുത്ത വംശജനെ മര്‍ദിക്കുന്നതിന്റെ ദൃശ്യങ്ങള്‍ അടുത്തിടെ പുറത്തുവന്നതു പ്രതിഷേധം ശക്തമാക്കാനിടയാക്കി.