അടുത്ത വർഷം മുതൽ റബര്‍ വ്യാപാരം ഡിജിറ്റലാകും

റബർ വ്യാപാരം ഓൺലൈനാക്കാൻ പദ്ധതിയുമായി റബർ ബോർഡ് രംഗത്ത്. 2021 ഫെബ്രുവരി മുതൽ ഓൺലൈൻ റബർ മാർക്കറ്റ് (ഇ -പ്ലാറ്റ്ഫോം) നിലവിൽ വരും.

റബറിന്റെ വ്യാപാരത്തിനുളള ഡിജിറ്റൽ പ്ലാറ്റ്ഫോം തയ്യാറാക്കാനുളള കരാർ അഹമ്മദാബാദ് ആസ്ഥാനമായി പ്രവർത്തിക്കുന്ന ഐ സൊല്യൂഷൻസിനാണ് നൽകിയിരിക്കുന്നത്.

ഇതുവഴി കർഷകർക്ക് മെച്ചപ്പെട്ട വില, വ്യവസായികൾക്ക് ആവശ്യത്തിന് ഉൽപ്പന്നം എന്നിവ ലഭിക്കാൻ ഇത് സഹായിക്കുമെന്നാണ് റബ്ബർ ബോർഡിൻറെ പ്രതീക്ഷ.

ഓൺലൈനായി നടക്കുന്ന വിൽപ്പനയിൽ റബറിന്റെ ഗുണനിലവാരം ബോർഡ് പരിശോധിച്ച് ഉറപ്പ് വരുത്തുമെന്ന് എക്സിക്യൂട്ടിവ് ഡയറക്ടർ ഡോ കെ എൻ രാഘവൻ വ്യക്തമാക്കി. ലോകത്തിന്റെ ഏത് ഭാഗത്ത് നിന്നും ഈ ഡിജിറ്റൽ മാർക്കറ്റിലെത്തി വ്യക്തികൾ റബർ ഉൽപ്പന്നങ്ങൾ വാങ്ങുകയും വിൽക്കുകയും ചെയ്യാമെന്നും അദ്ദേഹം പറഞ്ഞു.