പന്ത്രണ്ടാം ദിവസത്തിലേക്ക് കടന്ന് ക‍ർഷക സമരം ; ഇനി പിന്നോട്ടില്ലെന്ന് കർഷകർ

ദില്ലി: പുതിയ കാർഷിക നിയമങ്ങൾക്കെതിരായ കർഷകരുടെ സമരം പന്ത്രണ്ടാം ദിവസത്തിലേക്ക്. ചൊവ്വാഴ്ച ഭാരത് ബന്ദ് പ്രഖ്യാപിച്ച സാഹചര്യത്തിൽ ദില്ലിയുടെ അതിർത്തികളിലേക്ക് കൂടുതൽ കർഷകരെത്തി തുടങ്ങി.

രാജസ്ഥാൻ, മധ്യപ്രദേശ് തുടങ്ങിയ സംസ്ഥാനങ്ങളിൽ നിന്നുള്ള കർഷകരാണ് സമരത്തിൽ പങ്കുചേരാനെത്തിയിരിക്കുന്നത്..ഭാരത് ബന്ദ് കണക്കിലെടുത്ത് ദില്ലിയുടെ അതിർത്തികളിൽ സുരക്ഷ വിന്യാസം കൂട്ടിയിട്ടുണ്ട്.

നിയമ ഭേദഗതിയല്ല നിയമം പിൻവലിക്കലാണ് ആവശ്യമെന്ന നിലപാടിൽ തന്നെയാണ് കർഷകർ. കഴിഞ്ഞ ദിവസം സിംഘുവിൽ ചേർന്ന കർഷക സംഘടനകളുടെ യോഗത്തിലാണ് തീരുമാനം.