35383.58 കോടി വരുമാനം,ആമസോണിന് ഈ അവധിക്കാലം സമ്മാനിച്ചത് റെക്കോർഡ് നേട്ടം

ആമസോൺ ഷോപ്പിങ് സീസൺ ഇതുവരെയുള്ള കണക്കുകൾ പ്രകാരം റെക്കോർഡ് നേട്ടമാണ് കൈവരിച്ചിരിക്കുന്നത്.

ബ്ലാക്ക് ഫ്രൈഡേ മുതൽ സൈബർ മൺഡേ വരെയുള്ള ലോകവ്യാപക വിൽപനയിൽ 4.8 ബില്യൺ ഡോളർ (ഏകദേശം 35383.58 കോടി രൂപ) കവിഞ്ഞുവെന്ന് കമ്പനി അറിയിച്ചു. കഴിഞ്ഞ വർഷത്തെ അപേക്ഷിച്ച് 60 ശതമാനത്തിലധികം വർധനയാണിത് കാണിക്കുന്നത്.

ലോകമെമ്പാടുമുള്ള 71,000-ത്തിലധികം ചെറുകിട, ഇടത്തരം ബിസിനസുകൾക്ക് (SMB- കൾ) ഈ അവധിക്കാലത്ത് ഇന്നേവരെയുള്ള വിൽപനയിൽ ഒരു ലക്ഷം ഡോളർ വരുമാനം നേടാനും കഴിഞ്ഞു.
ആമസോൺ വഴിയുള്ള സ്വതന്ത്ര ബിസിനസുകളിലൂടെ ലോകമെമ്പാടും 2.2 ദശലക്ഷം തൊഴിലവസരങ്ങൾ സൃഷ്ടിച്ചതായി കമ്പനി അറിയിച്ചു.