‘സൂരരൈ പോട്ര്’; ഈ വര്‍ഷത്തെ മികച്ച സിനിമയെന്ന് സാമന്ത

സൂര്യ നായകനായ സൂരരൈ പൊട്ര് കൈയ്യടികള്‍ നേടി മുന്നേറുകയാണ്.നേരത്തെ വിജയ് ദേവര്കൊണ്ട ചിത്രത്തെ അഭിനന്ദിച്ചിരുന്നു.ഇപ്പോഴിതാ തെന്നിന്ത്യന്‍ നടി സാമന്ത ചിത്രത്തെയും അഭിനേതാക്കളെയും പ്രകീര്‍ത്തിച്ച് രംഗത്തെത്തിയിരിക്കുകയാണ്. സൂരരൈ പോട്രിന്റെ പോസ്റ്റര്‍ ഷെയര്‍ ചെയ്തുകൊണ്ടാണ് സാമന്ത ഇക്കാര്യം കുറിച്ചിരിക്കുന്നത്.

സൂരരൈ പോട്ര് ഈ വര്‍ഷത്തെ മികച്ച ചിത്രമാണെന്നും, രത്‌നം പോലുള്ള സിനിമയാണ് ഇതെന്നുമാണ് സാമന്ത കുറിച്ചിരിക്കുന്നത്. ഒപ്പം ചിത്രത്തിലെ അഭിനേതാക്കളായ സൂര്യയെയും അപര്‍ണ ബാലമുരളിയെയും ചിത്രം സംവിധാനം ചെയ്ത സുധ കൊങ്ങരയെയും സാമന്ത പ്രശംസിച്ചിട്ടുണ്ട്.

സുധ കൊങ്കരയാണ് ചിത്രം സംവിധാനം ചെയ്തിരിക്കുന്നത്. നവംബര്‍ 12 പുലര്‍ച്ചെ 12 മണിയോടെയാണ് ചിത്രം ആമസോണ്‍ പ്രൈമില്‍ റിലീസ് ചെയ്തത്. ഇതിന് പിന്നാലെ ചിത്രം സോഷ്യല്‍ മീഡിയയിലൂടെ ലീക്കായിരുന്നു.

ഈ ചിത്രം തീയേറ്ററില്‍ കാണാന്‍ സാധിക്കാതെ പോയതിന്റെ സങ്കടം ആരാധകര്‍ തുറന്ന് പറഞ്ഞിരുന്നു. എയര്‍ ഡെക്കാന്‍ എന്ന വിമാനക്കമ്പനിയുടെ സ്ഥാപകന്‍ ക്യാപ്റ്റന്‍ ജി.ആര്‍ ഗോപിനാഥിന്റെ ജീവിതത്തെ ആസ്പദമാക്കിയാണ് സൂരരൈ പോട്ര് ഒരുക്കിയിരിക്കുന്നത്.