ലീഗിലെ പിണക്കം പിളര്‍പ്പിലേക്കോ

ബിഹാറിലും ഉപതെരഞ്ഞെടുപ്പ് നടന്ന മറ്റ് സംസ്ഥാനങ്ങളിലും കോണ്‍ഗ്രസ് തോല്‍വി ഏറ്റുവാങ്ങിയത്. കേരളത്തിലെ യു ഡി എഫില്‍ ധ്രൂവികരണത്തിന് തുടക്കമിട്ടു. കോണ്‍ഗ്രസ് പച്ചതൊടില്ലെന്ന് ഏറെക്കുറെ ഉറപ്പായതോടെ മറുവഴിയെന്തെന്ന ചോദ്യം യുഡിഎഫിലെ പല ഘടക കക്ഷികളിലും ശക്തിപ്രാപിച്ചു.

സ്വര്‍ണ നിക്ഷേപ തട്ടിപ്പില്‍ എം സി ഖമറുദ്ദീന്‍ ജയിലിലായതും കെ എം ഷാജിയെ ഇഡി ചോദ്യംചെയ്തതും ലീഗിന് കനത്ത പ്രഹരമാണ്. വരാനിരിക്കുന്ന അന്വേഷണങ്ങളും ലീഗിന്റെ ഔദ്യോഗിക വിഭാഗത്തെ ആകുലപ്പെടുത്തുന്നുണ്ട്. ലീഗില്‍ നിന്ന് ഒരു പിരിഞ്ഞു പോക്ക് ഉണ്ടായാലും അത്ഭുതപ്പെടുത്താനില്ല എന്നതാണ് വടക്കന്‍ കേരളത്തിലെ സ്ഥിതി.
പില പഞ്ചായത്തുകളില്‍ അത് സംഭവിച്ചു കഴിഞ്ഞു. സംസ്ഥാന നേതാക്കളുടെ അറിവോടെ ആണ് വിമത മുന്നണി വന്നിരിക്കുന്നത്.
കോണ്‍ഗ്രസിനോടുള്ള വിരക്തി ന്യൂനപക്ഷവിഭാഗങ്ങളില്‍ ശക്തമാണെന്ന തിരിച്ചറിവാണ് മുസ്ലിംലീഗ് പാര്‍ട്ടിക്കുള്ളില്‍ നേരിടുന്ന പുതിയ വെല്ലുവിളി. അതുപോലെ മറ്റു ചില പാര്‍ട്ടികളും സംഘടനകളുമായി ഉണ്ടാക്കിയ കൂട്ടുകെട്ടും ഇവരുടെ വിയോജിപ്പിന് കാരണമാണ്. തദ്ദേശ തെരഞ്ഞെടുപ്പിലെ തോല്‍വി കനക്കുമെങ്കില്‍ കോണ്‍ഗ്രസ് ബന്ധം ഉപേക്ഷിക്കുകയേ വഴിയുള്ളൂ എന്ന് ഈ വിഭാഗം കരുതുന്നു .. തദ്ദേശ തെരഞ്ഞെടുപ്പില്‍ ലീഗിന് മേല്‍ക്കൈ കിട്ടുമോയെന്നതും കോണ്‍ഗ്രസ് നേതൃത്വത്തിന്റെ ആകുലതയാണ്. അങ്ങനെ സംഭവിച്ചാല്‍ യുഡിഎഫിലെ അവസാന വാക്ക് ലീഗിന്റേതാകും. അതിനാല്‍ പ്രാദേശകമായി പോരു ശക്തമാണ്.

ഇതിനിടെ കോണ്‍ഗ്രസിലെ ഒരു കൂട്ടര്‍ ബി ജെ പി യിലേക്ക് അടുക്കുന്നു എന്ന വാര്‍ത്തകളും സജീവമാണ്. വി മുരളീധരന്‍ പക്ഷവും എതിര്‍ചേരിയും തമ്മിലുള്ള ചേരിതിരിവ് ബിജെപിയില്‍ അനുദിനം മൂര്‍ച്ഛിക്കുകയാണ്. കെ സുരേന്ദ്രനെ ഒരുതരത്തിലും അംഗീകരിക്കില്ലെന്ന നിലപാടാണ് ശോഭ സുരേന്ദ്രനും കൂട്ടരും. ഈ അവസരത്തില്‍ കേരളത്തിലെ ബി ജെ പി യുടെ മുഖമായി രംഗപ്രവേശനം നടത്തിയാലോ എന് ആലോചനയിലാണ് രണ്ടാം നിര നേതാക്കള്‍ . എ പി അബ്ദുള്ളക്കുട്ടിയാണ് ഇതിന് ചുക്കാന്‍ പിടിക്കുന്നത്.

സര്‍ക്കാര്‍ പദ്ധതികളെക്കുറിച്ചുള്ള ആരോപണങ്ങള്‍ തിരിച്ചടികകുമോ എന്ന് എം എല്‍ എ മാര്‍ക്ക് സംശയമുണ്ട്. അതില്‍ പലരും ചാനല്‍ ചര്‍ച്ചകളില്‍ നിന്ന് മാറുകയാണ്.