എം.സി. കമറുദ്ദീന്‍ എംഎല്‍എയ്ക്കെതിരെ നാല് കേസുകള്‍ കൂടി

ജ്വല്ലറി നിക്ഷേപ തട്ടിപ്പ് കേസില്‍ എം.സി. കമറുദ്ദീന്‍ എംഎല്‍എയ്ക്കെതിരെ നാല് കേസുകള്‍ കൂടി പുതുതായി രജിസ്റ്റര്‍ ചെയ്തു. പ്രത്യേക അന്വേഷണ സംഘത്തിന്റെ കസ്റ്റഡിയില്‍ കമറുദ്ദീനെ വിശദമായി ചോദ്യം ചെയ്യുകയാണ്. അതേസമയം ലുക്കൗട്ട് നോട്ടീസ് പുറപ്പെടുവിച്ച് jCd'd ദിവസം കഴിഞ്ഞിട്ടും പൂക്കോയ തങ്ങളെ പിടികൂടാന്‍ സാധിച്ചിട്ടില്ല.ചന്തേര പൊലീസ് സ്റ്റേഷനിലാണ് ജ്വല്ലറി നിക്ഷേപ തട്ടിപ്പില്‍ എം.സി. കമറുദ്ദീന്‍ എംഎല്‍എയ്ക്കെതിരെ നാല് കേസുകള്‍ കൂടി പുതുതായി രജിസ്റ്റര്‍ ചെയ്തത്. നാല് പരാതികളിലുമായി 84.5 ലക്ഷം രൂപ തട്ടിയെടുത്തു വഞ്ചിച്ചു എന്നാണ് കേസ്. ഇതോടെ കമറുദ്ദീനെതിരായ പരാതികളുടെ എണ്ണം 123 ആയി.
പ്രത്യേക അന്വേഷണ സംഘത്തിന്റെ കസ്റ്റഡിയില്‍ വിട്ട കമറുദ്ദീനെ ഇന്ന് മൂന്ന് മണിക്ക് വീണ്ടും കോടതിയില്‍ ഹാജരാക്കണം. ഈ സമയം ജാമ്യ ഹര്‍ജിയും പരിഗണിക്കാമെന്നാണ് അറിയിച്ചിരിക്കുന്നത്. എന്നാല്‍ കേസുകള്‍ ദിനം പ്രതി ഏറിവരുന്നതിനാല്‍ കസ്റ്റഡി കലാവധി നീട്ടണമെന്ന് അവശപ്പെടുന്നതിനാണ് പ്രോസിക്യൂഷന്‍ നീക്കം. ഇതിനകം കേസിന്റെ കൂടുതല്‍ വിവരങ്ങള്‍ ശേഖരിക്കാന്‍ വിശദമായി ചോദ്യം ചെയ്യുകയാണ്. സാമ്പത്തിക ഇടപാടും ബിനാമി ഇടപാടുകളും സംബന്ധിച്ച വിവരങ്ങളാണ് പ്രധാനമായും കമറുദ്ദീനില്‍ നിന്ന് തേടി വരുന്നത്.