യുഎസ് പ്രസിഡന്റ് തെരഞ്ഞെടുപ്പ്; മാറി മറിഞ്ഞ് ആദ്യ ഫലസൂചനകള്‍

ജോ ബൈഡന് മുന്നേറ്റം

അമേരിക്കന്‍ പ്രസിഡന്റ് തെരഞ്ഞെടുപ്പില്‍ മാറി മറിഞ്ഞ് ആദ്യ ഫലസൂചനകള്‍. ഡെമോക്രാറ്റിക് പാര്‍ട്ടി സ്ഥാനാര്‍ത്ഥി ജോ ബൈഡന്‍ 119 ഇലക്ടറല്‍ വോട്ടുകളും റിപ്പബ്ലിക്കന്‍ പാര്‍ട്ടി സ്ഥാനാര്‍ത്ഥി ഡോണള്‍ഡ് ട്രംപ് 92 ഇലക്ടറല്‍ വോട്ടുകളും നേടി. 29 ഇലക്ടറല്‍ വോട്ടുകളുള്ള ഫ്ളോറിഡയിലെ ഫലം നിര്‍ണായകമാകും.
നാല് സംസ്ഥാനങ്ങളില്‍ ജോ ബൈഡനും മൂന്നിടത്ത് ഡോണള്‍ഡ് ട്രംപുമാണ് മുന്നില്‍. ജോര്‍ജിയ, വെര്‍മോണ്ടില്‍, മസാച്യുസെറ്റ്സ്, വെര്‍ജീനിയ, വെര്‍മോണ്ട്, മേരിലാന്‍ഡ്, ഡെലാവര്‍, ന്യൂ ജഴ്സി എന്നിവിടങ്ങളില്‍ ബൈഡനാണ് വിജയം. ഹൊയോയിലും ഫ്ളോറിഡയിലും ബൈഡനാണ് മുന്‍തൂക്കം. റിപ്പബ്ലിക്കന്‍ പാര്‍ട്ടിയുടെ ശക്തി കേന്ദ്രങ്ങളില്‍ ജോ ബൈഡനാണ് മുന്‍തൂക്കം. സെനറ്റിലേക്കുള്ള മത്സരത്തിലും ഡെമോക്രാറ്റുകള്‍ക്ക് മുന്നേറ്റമെന്നാണ് വിവരം. അതേസമയം, ഇന്‍ഡ്യാന, വെസ്റ്റ് വെര്‍ജീനിയ, കെന്റക്കി എന്നിവിടങ്ങള്‍ ട്രംപ് നിലനിര്‍ത്തി. സ്ഥാനാര്‍ത്ഥികള്‍ക്ക് വിജയിക്കാന്‍ 270 ഇലക്ടറല്‍ വോട്ടുകളാണ് വേണ്ടത്.
മുന്‍വര്‍ഷങ്ങളില്‍ നിന്ന് വ്യത്യസ്തമായി പോസ്റ്റല്‍ വോട്ടുകളും നേരത്തെ രേഖപ്പെടുത്തിയ വോട്ടുകളും കൂടുതലുള്ളതിനാല്‍ വോട്ടെണ്ണല്‍ നീളാനുള്ള സാധ്യതയമാണ് കാണുന്നത്. 10.2 കോടി ജനങ്ങളാണ് തെരഞ്ഞെടുപ്പ് ദിവസമായ നവംബര്‍ മൂന്നിന് മുന്‍പ് തന്നെ വോട്ടുചെയ്തത്. 435 അംഗ ജനപ്രതിനിധിസഭയിലേക്കും 33 സെനറ്റ് സീറ്റുകളിലേക്കും വിവിധ സംസ്ഥാന നിയമസഭകളിലേക്കും ഇതോടൊപ്പം തെരഞ്ഞെടുപ്പ് നടന്നിരുന്നു.