സി പി എം ധാരണ കേരളത്തിൽ തിരിച്ചടി ആകുമെന്ന് കോൺഗ്രസ്

ബിജെപിക്കെതിരെയുള്ള പോരാട്ടത്തിൽ സി പി എമ്മുമായി സഹകരിക്കാനുള്ള കോൺഗ്രസ് ഹൈക്കമാന്റിന്റെ തീരുമാനത്തിൽ കേരളത്തിൽ രമേശ് ചെന്നിത്തല അടക്കമുള്ള മുതിർന്ന നേതാക്കൾക്ക് കടുത്ത പ്രതിഷേധം.
ബിജെപിക്കൊപ്പം ഇടതു സർക്കാരിനെതിരെ സമരങ്ങൾ നടത്തിവരകെയാണ് ദേശീയ നേതൃത്വത്തിന്റെ തീരുമാനം പുറത്തുവന്നിരിക്കുന്നത് . ബീഹാർ തിരഞ്ഞെടുപ്പ് പ്രഖ്യാപിച്ച സമയം മുതൽ സി പി എം വിരുദ്ധപ്രസ്താവന കുറയ്ക്കണം എന്ന നിർദേശം കേരളത്തിലെ നേതാക്കൾക്ക് വന്നിരുന്നു. എന്നാൽ അത് മറികടന്ന് നീങ്ങുകയായിരുന്നു ചെന്നിത്തല .
ആന്റണിയുടെ ഇടപെടൽ വന്നതിനെ തുടർന്ന് ഉമ്മൻചാണ്ടി അടക്കമുള്ള നേതാക്കൾ നിലപാട് അൽപം മയപ്പെടുത്തുകയും ചെയ്ത. കോൺഗ്രസ് ദേശീെ നേതാവും , വയനാട് എം പി യുമായുള്ള രാഹുൽ ഗാന്ധി കേരളത്തിലെ കൊവിഡ് പ്രതിരോധപ്രവർത്തനങ്ങളെ പിൻതുണച്ച് സംസാരിച്ചതിനെതിരെ പത്രസമ്മേളനത്തിലാണ് ചെന്നിത്തല ആഞ്ഞടിച്ചത്.
കേരളത്തിലെ കാര്യം തങ്ങളുണ്ടെന്ന മറുപടിയാണ് ചെന്നിത്തല അന്ന് നൽകിയത്. എന്നാൽ പുതിയ നീക്കത്തിൽ എന്തു നിലപാട് കേരളത്തിൽ സ്വീകരിക്കേണ്ടവരും എന്നത് ചെന്നിത്തലയെ അലട്ടുന്നു.
കേരളത്തിൽ സഖ്യമില്ല എന്ന് പറയുന്നുണ്ടെങ്കിലും അത് താഴേത്തട്ടിലെ അണികളെ ബോധ്യപ്പെടുത്താൻ ആവില്ലന്നാണ് ഇവർ പറയുന്നത്. പഞ്ചായത്ത് തിരഞ്ഞെടുപ്പിലും , നിയമസഭാ തിരഞ്ഞെടുപ്പിലും ഇത് കേരളത്തിൽ കോൺഗ്രസിന് കനത്ത തിരിച്ചടി നൽകുമെന്നും ചെന്നിത്തലയും സംഘവും പറയുന്നു.

അടുത്ത വർഷം കേരളത്തിനു പുറമെ ബംഗാളിലും തമിഴ്‌നാട്ടിലും അസമിലും നിയമസഭാ തിരഞ്ഞെടുപ്പുണ്ട്. തമിഴ്‌നാട്ടിൽ ഇടതു പാർട്ടികളും കോൺഗ്രസും ഡിഎംകെ മുന്നണിയുടെ ഭാഗമാണ്. ഇന്ന് ആദ്യഘട്ട തിരഞ്ഞെടുപ്പ് നടക്കുന്ന ബിഹാറിൽ ആർജെഡി നയിക്കുന്ന മഹാസഖ്യത്തിലും ഇരുകൂട്ടരുമുണ്ട്.

ബംഗാളിലും അസമിലും കോൺഗ്രസുമായി നേരിട്ടു തിരഞ്ഞെടുപ്പു ധാരണയുണ്ടാക്കുമെന്ന് കോൺഗ്രസ് ദേശീയ നേതാകഞ്ഞീൾ പറയുന്നു. സി പി എം നേതൃത്വം ഇത് അംഗീകരിച്ചു എന്ന് റിപ്പോർട്ടുകൾ പുറത്തുവന്നു കഴിഞ്ഞു.
തന്റെ മുഖ്യമന്ത്രി മോഹം അസ്തമിച്ചു എന്നാണ് ചെന്നിത്തല ഏറ്റവും അടുത്ത വിശ്‌സ്ഥരോട് സൂചിപ്പിച്ചത്.
ബിജെപി പ്രതിപക്ഷമായി മാറുമെന്നും തങ്ങൾ ഒറ്റപ്പെടുമെന്നു കോൺഗ്രസ് നേതാക്കൾ പറയുന്നു. മുന്നണിയിലെ ഘടകക്ഷികൾ കൊഴിയുമോ എന്ന ഭീതിയും ഇവർക്കുണ്ട്.