വെള്ളാപ്പള്ളിയുടെ സമരം മകന്റെ യുഡിഎഫ് പ്രവേശനത്തിന്

മാണി ഗ്രൂപ്പ് പോയതിന്റെ ക്ഷീണത്തില്‍ നില്‍ക്കുന്ന ഉമ്മന്‍ചാണ്ടിയെ സഹായിക്കാന്‍ മകനെ യു ഡി എഫ് ക്യാമ്പില്‍ എത്തിക്കാന്‍ വെള്ളാപ്പള്ളി രംഗത്ത്.
സംസ്ഥാന സര്‍ക്കാരിന്റെ സാമ്പത്തിക സംവരണത്തിനെതിരെ മുസ്‌ളീം ലീഗ് നേതൃത്വം നല്‍കുന്ന പ്രക്ഷോഭത്തില്‍ ഒത്തു ചേരാണ് നീക്കം. എസ് എന്‍ ഡി പി യോഗത്തിന്റെ ബാനറിലാണ് നീക്കം.
സാമ്പത്തിക സംവരണത്തിനെതിരെ സുപ്രീം കോടതിയില്‍ നിന്ന് പിന്‍മാറിയതും, ഹിന്ദം ഐക്യത്തിന് വേണ്ടി സംവരണത്തിനെ തള്ളിക്കളഞ്ഞതും മറച്ചുവെച്ചുകൊണ്ടാണ് പുതിയ സമരനീക്കവും രാഷ്ട്രീയ പ്രവേശനത്തിനും ലക്ഷ്യമിടുന്നത്.
കഴിഞ്ഞ ദിവസം ചേര്‍ന്ന മുസ്ലിം സംഘടനകളുടെ യോഗത്തില്‍ സംവരണ വിഷയത്തില്‍ സര്‍ക്കാറിനെതിരെ സമരം ചെയ്യാന്‍ തീരുമാനം കൈക്കൊണ്ടിരുന്നു. മുസ്ലിംലീഗാണ് ഇതിന് മുന്‍കൈ എടുത്തതും. മുന്നോക്കക്കാര്‍ക്ക് സാമ്പത്തിക സംവരണം കൊണ്ടുവന്ന സംസ്ഥാന സര്‍ക്കാര്‍ തീരുമാനത്തിനെതിരെ എസ്.എന്‍.ഡി.പി അടക്കമുള്ള സംഘടനകളുമായി ചേര്‍ന്നുകൊണ്ട് പ്രതിഷേധം സംഘടിപ്പിക്കുമെന്ന് ലീഗ് വ്യക്തമാക്കി. ലീഗിന്റെ തീരുമാനത്തെ മറ്റ് മുസ്ലിം സംഘടനകളും പിന്തുണച്ചിട്ടുണ്ട്.
കഴിഞ്ഞ നിയമസഭാ ഉപതെരഞ്ഞെടുപിന് ശേഷമാണ് ബിഡിജെഎസിന് എന്‍ഡിഎയുമായി അഭിപ്രായ ഭിന്നത രൂപപ്പെടുന്നത്. ഉപതെരഞ്ഞെടുപ്പില്‍ ബിഡിജെഎസ് ശക്തമായി തന്നെ പ്രവര്‍ത്തിച്ചു എങ്കിലും എന്‍ഡിഎ തെരെഞ്ഞെടുപ്പില്‍ സജീവമായില്ല എന്ന് തുഷാര്‍ ആരോപിച്ചിരുന്നു. മുന്നണിക്കുള്ളിലെ പ്രശ്‌നങ്ങള്‍ പറഞ്ഞു തീര്‍ക്കുമെന്നാണ് തുഷാര്‍ മുന്‍പ് അറിയിച്ചിരുന്നത്. എന്നാല്‍ നിലവില്‍ ലഭിക്കുന്ന റിപ്പോര്‍ട്ടുകള്‍ ബിഡിജെഎസ് യുഡിഎഫിലേക്ക് കളം മറുന്നുവെന്നാണ് സൂചിപ്പിക്കുന്നത്.

ഉമ്മന്‍ചാണ്ടിയുടെ മുന്‍ സന്തത സഹചരിയും മുന്‍ എ ഗ്രൂപ്പ് നേതാവുമായിരുന്ന എജി തങ്കപ്പനാണ് ബിഡിജെഎസിന്റെ യുഡിഎഫ് പ്രവേശന ചര്‍ച്ചകള്‍ക്ക് നേതൃത്വം നല്‍കുന്നത്. ഏറ്റുമാനൂരില്‍ ബിഡിജെഎസ് സ്ഥാനാര്‍ഥിയായി മത്സരിച്ച ഇദ്ദേഹം കോണ്‍ഗ്രസ് വിട്ടിരുന്നുവെങ്കിലും ഉമ്മന്‍ചാണ്ടിയുമായി നല്ല ആത്മബന്ധം വച്ചുപുലര്‍ത്തിരുന്നു. ഇദ്ദേഹുമായി ഉമ്മന്‍ചാണ്ടി നടത്തിയ ചര്‍ച്ചകള്‍ വഴിയാണ് ഇപ്പോള്‍ ബിഡിജെഎസിന് യുഡിഎഫ് പ്രവേശനത്തിനുള്ള കളമൊരുങ്ങുന്നത്.